កងទ័ពជើងទឹកថៃ បាននិយាយនៅថ្ងៃទី ១១ ខែមីនាឆ្នាំ២០២៦ថា កប៉ាល់ដឹកទំនិញទង់ជាតិថៃ មួយគ្រឿង ត្រូវបានវាយប្រហារនៅជិតច្រកសមុទ្រហ័រមូស ដែលបង្កឱ្យមានការផ្ទុះ និងអគ្គីភ័យនៅលើកប៉ាល់ និងបង្ខំឱ្យសមាជិកនាវិក រត់ចោលកប៉ាល់ដើម្បីសុវត្ថិភាព..!។
ប្រភពពីkhaosod។
កប៉ាល់ឈ្មោះ ម៉ាយូរី ណារី ដែលដំណើរការដោយក្រុមហ៊ុន Precious Shipping បានចាកចេញពីតំបន់ចតទូកក្បែរកំពង់ផែខាលីហ្វា នៅអារ៉ាប់រួម នៅម៉ោងប្រហែល 03:00 ម៉ោងនៅប្រទេសថៃ។
នៅម៉ោងប្រហែល 11:10 នៅពេលដែលកប៉ាល់ កំពុងធ្វើដំណើរក្នុងដែនទឹកនៃប្រទេសអូម៉ង់ វាត្រូវបានវាយប្រហារពីរដង ដោយអាវុធមិនស្គាល់អត្តសញ្ញាណ នៅពីលើខ្សែទឹក ដែលបណ្តាលឱ្យមានការផ្ទុះនៅជិតផ្នែកខាងក្រោយ និងបន្ទប់ម៉ាស៊ីន។
ផ្ទុះឆេះបន្ទប់ម៉ាស៊ីនរបស់កប៉ាល់ បណ្តាលឲ្យកប៉ាល់រងការខូចខាតយ៉ាងដំណំ។
យោងតាមមជ្ឈមណ្ឌលប្រតិបត្តិការចរាចរណ៍ និងសន្តិសុខដែនសមុទ្ររបស់កងទ័ពជើងទឹក នាវានេះបានដឹកជនជាតិថៃ ២៣នាក់។
ក្នុងអំឡុងពេលមានអាសន្ន សមាជិកនាវិកចំនួន ២០នាក់បានជម្លៀសនាវាចេញដោយប្រើក្បូនសង្គ្រោះ ខណៈដែលបីនាក់នៅតែនៅលើនាវា។
ក្រោយមក កងទ័ពជើងទឹកអូម៉ង់ បានជួយសង្គ្រោះសមាជិកនាវិកទាំង២០ នាក់ ហើយបាននាំពួកគេទៅកាន់ច្រាំងដោយសុវត្ថិភាពនៅ Khasab ក្នុងប្រទេសអូម៉ង់។
ប្រតិបត្តិការជួយសង្គ្រោះកំពុងបន្ត ជួយសមាជិកនាវិកបីនាក់ ដែលនៅសល់នៅលើនាវា។
កងទ័ពជើងទឹកថៃ បាននិយាយថា ខ្លួនបានសម្របសម្រួលជាមួយកងកម្លាំងដែនសមុទ្រចម្រុះ ដែលមានមូលដ្ឋាននៅប្រទេសបារ៉ែន ។
ក៏ដូចជាស្ថានទូតថៃ ក្នុងប្រទេសបារ៉ែន អេមីរ៉ាតអារ៉ាប់រួម និងអូម៉ង់ ដើម្បីគាំទ្រដល់ប្រតិបត្តិការស្វែងរក និងជួយសង្គ្រោះ។
គួរំលឹកថា នៅថ្ងៃទី១១.០៣.២០២៦ អ៊ីរ៉ង់ បានវាយប្រហារ នាវាពាណិជ្ជកម្មចំនួន៣គ្រឿង នៅច្រកសមុទ្រហ័រមូស ក្នុងនោះមាននាវាថៃ១គ្រឿងផងដែរ៕