ការវាយប្រហារតាមអាកាសរបស់អ៊ីស្រាអែលលើបេរូតនិងតំបន់ភាគខាងត្បូងនៃប្រទេសលីបង់ បង្កឲ្យស្ថានភាពមនុស្សធម៌កាន់តែធ្ងន់ធ្ងរ ដោយមានមនុស្សជាង ១ លាននាក់ត្រូវបានបង្ខំឲ្យផ្លាស់ទីលំនៅ។
ប្រភពពីសារព័ត៌មានAl Jazeera នៅថ្ងៃទី១៧ខែមីនា។
យោងតាមប្រព័ន្ធផ្សព្វផ្សាយក្នុងស្រុក ការវាយប្រហារបានគោលដៅលើសង្កាត់សំខាន់ៗនៅភាគខាងត្បូងទីក្រុង រួមមាន Kafaat, Haret Hreik និង Aramoun ខណៈអ៊ីស្រាអែលអះអាងថា កំពុងវាយប្រហារលើក្រុមប្រដាប់អាវុធហេសបូឡា។
ការប្រយុទ្ធគ្នារវាងអ៊ីស្រាអែល និងក្រុម Hezbollah កាន់តែខ្លាំងឡើងក្នុងតំបន់ភាគខាងត្បូង ដែលបណ្តាលឲ្យមានការបំផ្លិចបំផ្លាញធ្ងន់ធ្ងរ និងគ្រោះថ្នាក់ដល់ប្រជាពលរដ្ឋ។ ក្រសួងសុខាភិបាលលីបង់បានរាយការណ៍ថា មានមនុស្សយ៉ាងហោចណាស់ ៨៨៦នាក់ស្លាប់ និងជាង២,១០០ នាក់រងរបួស ចាប់តាំងពីការប្រយុទ្ធឡើងវិញ៕