ប្រទេសនៅតំបន់ឈូងសមុទ្រ បានជំរុញឱ្យសហរដ្ឋអាមេរិកបន្តសកម្មភាពយោធាដើម្បីរំលាយអំណាចរបស់អ៊ីរ៉ង់ ខណៈវិបត្តិនៅច្រកសមុទ្រHormuz កាន់តែធ្ងន់ធ្ងរ។
ប្រភពពីសារព័ត៌មានReuter។
យោងតាមប្រភពការទូត កំហឹងរបស់ប្រទេសឈូងសមុទ្រកើនឡើងខ្លាំង បន្ទាប់ពីអ៊ីរ៉ង់បានវាយប្រហារលើហេដ្ឋារចនាសម្ព័ន្ធសំខាន់ៗ ដូចជា មជ្ឈមណ្ឌលប្រេង និងកំពង់ផែ ក្នុងតំបន់។ ការវាយប្រហារទាំងនេះបានបង្កការខូចខាត និងបង្កការព្រួយបារម្ភអំពីសុវត្ថិភាពថាមពលពិភពលោក។
នៅពេលដូចគ្នា សហរដ្ឋអាមេរិកក៏កំពុងជំរុញឱ្យប្រទេសមិត្តរួមតំបន់ចូលរួមក្នុងសកម្មភាពយោធា ប៉ុន្តែមានការស្ទាក់ស្ទើរពីខ្លះៗ ព្រោះខ្លាចការពង្រីកសង្គ្រាម៕