(WFP)ដែលជាកម្មវិធីស្បៀងអាហារពិភពលោក បាននៅថ្ងៃអង្គារទី១៧.០៣.២០២៦.បានព្រមានថា មនុស្សរាប់សិបលាននាក់បន្ថែមទៀតនឹងប្រឈមមុខនឹងភាពអត់ឃ្លានយ៉ាងធ្ងន់ធ្ងរ។
ប្រសិនបើសង្គ្រាមអ៊ីរ៉ង់ នៅតែបន្តអូសបន្លាយរហូតដល់ខែមិថុនា ឆ្នាំ២០២៦។
សារព័ត៌មាន Reuters។
របាយការណ៍បានបង្ហាញថា ការវាយប្រហាររបស់សហរដ្ឋអាមេរិក និងអ៊ីស្រាអែល ទៅលើប្រទេសអ៊ីរ៉ង់ ដែលបានចាប់ផ្តើមកាលពីចុង ខែកុម្ភៈ បានរារាំងផ្លូវដឹកជញ្ជូនជំនួយមនុស្សធម៌សំខាន់ៗ និងពន្យារពេលការផ្តល់ជំនួយសង្គ្រោះជីវិតដល់តំបន់ដែលមានវិបត្តិអាក្រក់បំផុតមួយចំនួនលើពិភពលោក។
លោក ខាល ស្កូវ អគ្គនាយករងWFP បានប្រាប់អ្នកយកព័ត៌មានក្នុងទីក្រុងហ្សឺណែវថា មនុស្សចំនួន៤៥លាននាក់បន្ថែមទៀតត្រូវបានព្យាករណ៍ថានឹងធ្លាក់ចូលក្នុងភាពអត់ឃ្លាន ដោយសារការកើនឡើងនៃថ្លៃម្ហូបអាហារ ប្រេង និងការដឹកជញ្ជូន ដែលនឹងរុញច្រានតួលេខអ្នកអត់ឃ្លានសកលឱ្យហក់ឡើងលើសពីកំណត់ត្រាបច្ចុប្បន្នចំនួន ៣១៩លាននាក់។
លោកបានសង្កត់ធ្ងន់ថា កម្រិតនៃភាពអត់ឃ្លានសកល អាចនឹងកើនដល់កំណត់ត្រាមួយ ដែលមិនធ្លាប់មាន។
សូម្បីតែមុនពេលមានសង្គ្រាមនេះ យើងក៏ស្ថិតក្នុងស្ថានភាពដ៏អាក្រក់រួចទៅហើយ ដែលភាពអត់ឃ្លានមិនធ្លាប់មានសភាពធ្ងន់ធ្ងរបែបនេះទេ ទាំងចំនួន និងជម្រៅនៃភាពអត់ឃ្លាននោះ៕