ស្ថានការណ៍នយោបាយនៅសហរដ្ឋអាមេរិកកំពុងមានភាពតានតឹងខ្លាំង បន្ទាប់ពីមន្ទីរបញ្ចកោណស្នើសុំថវិកាបន្ថែមប្រមាណ២០ម៉ឺនលានដុល្លារ សម្រាប់គាំទ្រប្រតិបត្តិការយោធានៅអ៊ីរ៉ង់។ សំណើនេះបានបង្កឲ្យមានការបែកបាក់យ៉ាងខ្លាំងនៅក្នុងសភា ដោយភាគីប្រជាធិបតេយ្យមួយចំនួនសួរពាក់ព័ន្ធនឹងការសម្រេចចិត្តវាយប្រហារ ខណៈភាគីគាំទ្ររដ្ឋាភិបាលបន្តការពារ។
ប្រភពពីសារព័ត៌មានFoxs News នៅថ្ងៃទី២០ខែមីនា។
នៅមជ្ឈិមបូព៌ា ស្ថានការណ៍សន្តិសុខកាន់តែធ្ងន់ធ្ងរ ដោយអ៊ីស្រាអែលបន្តវាយប្រហារលើគោលដៅយោធារបស់អ៊ីរ៉ង់ ខណៈអ៊ីរ៉ង់បានសងសឹកវិញដោយការបាញ់មីស៊ីល។ ក្នុងពេលដូចគ្នា កងកម្លាំងអាមេរិក និងសម្ព័ន្ធមិត្តក៏កំពុងពង្រីកសកម្មភាពយោធា ដើម្បីគ្រប់គ្រងស្ថានភាព។
បន្ថែមពីនេះ អាជ្ញាធរអ៊ីរ៉ង់បានចាប់ខ្លួនមនុស្សយ៉ាងហោចណាស់ ៩៧ នាក់ ដែលត្រូវបានចោទប្រកាន់ថាមានទំនាក់ទំនងជាមួយអ៊ីស្រាអែល។ ការចាប់ខ្លួននេះជាផ្នែកមួយនៃការបង្ក្រាបសន្តិសុខយ៉ាងទូលំទូលាយ បន្ទាប់ពីការចាប់ផ្តើមនៃសង្គ្រាម៕