នាយករដ្ឋមន្ត្រីអ៊ីស្រាអែល Benjamin Netanyahu បានចេញមុខបញ្ជាក់យ៉ាងច្បាស់ថា អ៊ីស្រាអែល ពុំបានអូសទាញអាមេរិក ឲ្យធ្លាក់ចូលក្នុងភ្នក់ភ្លើងសង្គ្រាមជាមួយអ៊ីរ៉ង់នោះឡើយ!។
ក្នុងសុន្ទរកថា កាលពីថ្ងៃព្រហស្បតិ៍ទី១៩ខែមីនាឆ្នាំ២០២៦ លោក Netanyahu បានថ្លែងថា៖ តើអ្នកគិតថា លោកត្រាំ ធ្វើអ្វីតាមអ្នកបានមែនទេ? យើងកំពុងចាត់វិធានការដើម្បីបំផ្លាញឧស្សាហកម្មទាំងឡាយណាដែលបង្កលក្ខណៈ ឲ្យមានការផលិតមីស៊ីល។
អ៊ីរ៉ង់លែងមានសមត្ថភាពចម្រាញ់អ៊ុយរ៉ាញ៉ូម និងផលិតមីស៊ីលបាលីស្ទីក បានទៀតហើយ។
យើងកំពុងឈ្នះ ហើយអ៊ីរ៉ង់កំពុងត្រូវបានបំផ្លាញយ៉ាងខ្ទេចខ្ទី។
លោក Netanyahu ក៏បង្ហើបឲ្យដឹងផងដែរថា ប្រតិបត្តិការជើងគោក អាចជាផ្នែកមួយដ៏ចាំបាច់នៃសង្គ្រាមនេះ៕