លោកVolodymyr Zelenskyy បានប្រកាសថាក្រុមចរចានយោបាយរបស់អ៊ុយក្រែនកំពុងធ្វើដំណើរទៅកាន់ សហរដ្ឋអាមេរិក ដើម្បីពិភាក្សាជាមួយមន្ត្រីអាមេរិកអំពីការបន្តកិច្ចចរចាសន្តិភាពជាមួយរុស្ស៊ី ដែលបានផ្អាកមួយរយៈកន្លងមកនេះ។
ប្រភពពីសារព័ត៌មានAnadolu Agencyនៅថ្ងៃទី២០ខែមីនា។
ប្រធានាធិបតីអ៊ុយក្រែនបានបញ្ជាក់ថា ទីក្រុងគៀវក៏បានឈានដល់ការយោគយល់ជាមួយប្រទេសនានានៅតំបន់ ឈូងសមុទ្រពែរ្ស ស្តីពីកិច្ចព្រមព្រៀងសន្តិសុខនាពេលអនាគត ដែលផ្តោតលើការគាំទ្រផ្នែកការពារជាពិសេសប្រព័ន្ធការពារផ្លូវអាកាស។
តាមការបញ្ជាក់របស់លោក ការចរចាថ្មីនេះត្រូវបានរំពឹងថានឹងចាប់ផ្តើមឡើងវិញក្នុងពេលឆាប់ៗ ខណៈដែលមានសញ្ញាពីភាគីអាមេរិកបង្ហាញពីការត្រៀមខ្លួនបន្តដំណើរការចរចា ដើម្បីបញ្ចប់សង្គ្រាមរវាងរុស្ស៊ី និងអ៊ុយក្រែន។ កិច្ចប្រជុំសំខាន់មួយត្រូវបានគ្រោងធ្វើនៅថ្ងៃសៅរ៍នេះនៅសហរដ្ឋអាមេរិក៕