ប្រទេសជប៉ុន កំពុងប្រឈមមុខនឹងបញ្ហាធំមួយ ខណៈប្រជាជនកាន់តែចាស់ជរា និងស្ថានភាពអាកាសធាតុរដូវរងាកាន់តែអាក្រក់។ ព្រិលធ្លាក់ខ្លាំងនៅតំបន់ភាគខាងជើង ដូចជា Sapporo កំពុងធ្វើឲ្យជីវិតប្រជាពលរដ្ឋ ពិសេសអ្នកវ័យចាស់កាន់តែពិបាក។
ប្រភពពីសារព័ត៌មានCNN នៅថ្ងៃទី២១ខែមីនា។
យោងតាមបទពិសោធន៍របស់ស្ត្រីវ័យ 76 ឆ្នាំម្នាក់ ព្រិលធ្លាក់បានកកកុញដល់កម្រិតដូចភ្នំនៅមុខផ្ទះ ដែលធ្វើឲ្យនាងមិនអាចចេញទៅក្រៅបានរយៈពេលពីរបីថ្ងៃ។ ស្ថានភាពនេះបង្កើនការព្រួយបារម្ភអំពីសុវត្ថិភាព និងសុខុមាលភាពរបស់អ្នករស់នៅតែម្នាក់ឯង។
អ្នកវិភាគព្រមានថា ការរួមបញ្ចូលគ្នារវាងប្រជាជនចាស់ជរា និងអាកាសធាតុធ្ងន់ធ្ងរ អាចធ្វើឲ្យសហគមន៍ជនបទកាន់តែខ្សោយ និងបង្កបញ្ហាសង្គមធ្ងន់ធ្ងរនាពេលអនាគត៕