នៅថ្ងៃទី២២ ខែមីនា ឆ្នាំ២០២៦ ប្រធានាធិបតី Donald Trump ប្រកាសលក្ខខណ្ឌចុងក្រោយដោយទុករយៈពេល៤៨ម៉ោងដល់ អ៊ីរ៉ង់ ដោយគំរាមវាយប្រហាររោងចក្រថាមពល ប្រសិនបើការធ្វើនាវាចរណ៍តាម ច្រកសមុទ្រ Hormuz មិនត្រូវបានបើកឡើងវិញ។
ប្រភពពីសារព័ត៌មានAl Jazeera។
ក្នុងសេចក្តីថ្លែងការណ៍ លោក Trump បានព្រមានថា សហរដ្ឋអាមេរិកនឹងវាយប្រហារបំផ្លាញហេដ្ឋារចនាសម្ព័ន្ធថាមពលរបស់អ៊ីរ៉ង់ ដោយចាប់ផ្តើមពីគោលដៅធំបំផុត ប្រសិនបើអ៊ីរ៉ង់មិនបើកច្រកសមុទ្រឡើងវិញក្នុងកំណត់ពេល។
ការគំរាមនេះកើតឡើង ខណៈស្ថានភាពនៅច្រកសមុទ្រដ៏សំខាន់សម្រាប់ការនាំចេញប្រេងពិភពលោកកំពុងតានតឹងខ្លាំង បន្ទាប់ពីអ៊ីរ៉ង់បានព្រមានបិទច្រកសមុទ្រនេះដែលបានបណ្តាលឱ្យតម្លៃប្រេងកើនឡើង និងទីផ្សារហិរញ្ញវត្ថុរងផលប៉ះពាល់។
ជាការឆ្លើយតប កងទ័ពអ៊ីរ៉ង់បានព្រមានថា ប្រសិនបើហេដ្ឋារចនាសម្ព័ន្ធថាមពលរបស់ខ្លួនត្រូវបានវាយប្រហារ នោះខ្លួននឹងកំណត់គោលដៅលើគ្រប់បណ្តាញថាមពលរបស់ សហរដ្ឋអាមេរិក នៅក្នុងតំបន់មជ្ឈិមបូព៌ា៕