នៅថ្ងៃទី២២ ខែមីនា ឆ្នាំ២០២៦ រដ្ឋមន្ត្រីការបរទេសទួរគី លោកHakan Fidan បានឱ្យដឹងថា បណ្តាប្រទេសនៅតំបន់ឈូងសមុទ្របានព្រមានថា ពួកគេនឹងចាត់វិធានការ ប្រសិនបើស្ថានភាពសង្គ្រាមបច្ចុប្បន្ននៅតែបន្ត។
ប្រភពពីសារព័ត៌មានAnaadolu Agency។
ការព្រមាននេះត្រូវបានលើកឡើងក្រោយកិច្ចប្រជុំមួយនៅទីក្រុង រីយ៉ាដ នៃ អារ៉ាប៊ីសាអូឌីត ដែលមានការចូលរួមពីប្រទេសក្នុងតំបន់។ លោក Fidan បានបញ្ជាក់ថា ប្រទេសឈូងសមុទ្រមិនចង់ចូលរួមសង្គ្រាមទេ ហើយក៏មិនអនុញ្ញាតឱ្យប្រើដែនអាកាស ឬមូលដ្ឋានយោធារបស់ពួកគេប្រឆាំងនឹង អ៊ីរ៉ង់ ផងដែរ។
យ៉ាងណាមិញ ប្រទេសទាំងនេះបានព្រមានថា ប្រសិនបើជម្លោះបន្តអូសបន្លាយ ពួកគេអាចត្រូវបង្ខំចិត្តចូលរួមដោយវិធានការណាមួយ៕