ប្រធានាធិបតី Donald Trump និយាយថា អ៊ីរ៉ង់ បានផ្ញើអំណោយ «ទាក់ទងនឹងប្រេងនិងឧស្ម័ន» ដល់សហរដ្ឋអាមេរិក កាលពីថ្ងៃអង្គារ ដែលបង្ហាញពីការប្តេជ្ញាចិត្ត របស់ពួកគេក្នុងការធ្វើកិច្ចព្រមព្រៀង។
ប្រភពពីFox news នៅថ្ងៃទី២៥.០៣.២០២៦។
ប្រធានាធិបតី Donald Trump កាលពីថ្ងៃអង្គារ បានប្រកាសថា អ៊ីរ៉ង់ចង់«ធ្វើកិច្ចព្រមព្រៀង» ជាមួយសហរដ្ឋអាមេរិក ។
ដោយកត់សម្គាល់ថា ថ្នាក់ដឹកនាំប្រទេសនេះ បានផ្តល់ឱ្យសហរដ្ឋអាមេរិកនូវ«រង្វាន់ដ៏សំខាន់» ទាក់ទងនឹងច្រកសមុទ្រHormuz និងលំហូរប្រេង។
ខណៈពេលកំពុងនិយាយ ទៅកាន់អ្នកយកព័ត៌មាន នៅក្នុងការិយាល័យ Oval នៃសេតវិមាន ។
លោក Trump បាននិយាយថា ថ្នាក់ដឹកនាំអ៊ីរ៉ង់ បានផ្ញើអំណោយនេះកាលពីថ្ងៃចន្ទ ហើយវាបានមកដល់នៅថ្ងៃអង្គារ។
លោក Trump បាននិយាយថា «ពួកគេនឹងធ្វើកិច្ចព្រមព្រៀងមួយ។ តាមពិតពួកគេបានធ្វើអ្វីមួយដែលអស្ចារ្យណាស់។
ពួកគេ បានផ្តល់ឱ្យយើងនូវអំណោយមួយ។
អំណោយ បានមកដល់ថ្ងៃនេះ ហើយវាជាអំណោយដ៏ធំមួយ ដែលមានតម្លៃប្រាក់យ៉ាងច្រើន។
លោក Trump និយាយថា លោកមិនអាចបង្ហាញពីអំណោយនោះជាអ្វីទេ ប៉ុន្តែបាននិយាយថាវា”ទាក់ទងនឹងប្រេង និងឧស្ម័ន” ហើយត្រូវបានភ្ជាប់ទៅនឹងច្រកសមុទ្រ Hormuzផងដែរ។
យោងតាមរបាយការណ៍មួយពី Iran International របបអ៊ីរ៉ង់ ពីមុនបានគិតថ្លៃនាវាដឹកប្រេង រាប់លានដុល្លារដើម្បីឆ្លងកាត់ចំណុចស្ទះដឹកជញ្ជូនសកល។
លោក Trump បន្ថែមថាអំណោយដែលមិនបានបញ្ជាក់គឺ “មានសារៈសំខាន់ខ្លាំងណាស់”។
អំណោយនោះមានន័យណាស់សម្រាប់ខ្ញុំ យើងកំពុងដោះស្រាយជាមួយមនុស្សត្រឹមត្រូវ ជារឿងល្អណាស់ ដែលពួកគេបានធ្វើ។
ពួកគេបាននិយាយថា ពួកគេនឹងធ្វើវា ហើយវាបានកើតឡើង ហើយពួកគេគឺជាមនុស្សតែម្នាក់គត់ ដែលអាចធ្វើវាបាន”។
នៅពេលសួរ អំពីការគ្រប់គ្រងច្រកសមុទ្រ Hormuz លោកបាននិយាយថា សហរដ្ឋអាមេរិក នឹង “គ្រប់គ្រងអ្វីគ្រប់យ៉ាង ដែលយើងចង់បាន”៕