អ្នកនាំពាក្យយោធាអ៊ីរ៉ង់ម្នាក់ បាននិយាយកាលពីថ្ងៃពុធថា ស្ថានភាពនៅច្រកសមុទ្រហ័រមូស នឹងមិនវិលត្រឡប់ទៅសភាពដើមវិញទេ ។
ដោយអះអាងពីការគ្រប់គ្រង របស់ទីក្រុងតេអេរ៉ង់ លើការចូលប្រើប្រាស់ផ្លូវសមុទ្រមួយនេះ ខណៈដែលភាពតានតឹងនៅមជ្ឈិមបូព៌ាបន្តកើនឡើង។
សារព័ត៌មានAnadoluនៅថ្ងៃទី២៦.០៣.២០២៦។
នៅក្នុងការកត់សម្គាល់ ដែលធ្វើឡើងដោយទីភ្នាក់ងារសារព័ត៌មាន Mehr របស់អ៊ីរ៉ង់ លោក Ebrahim Zolfaghari អ្នកនាំពាក្យនៃទីស្នាក់ការកណ្តាល Khatam Al-Anbiya របស់យោធាអ៊ីរ៉ង់ បាននិយាយថា ច្បាប់ថ្មីដែលគ្រប់គ្រងការដឹកជញ្ជូនតាមផ្លូវទឹកយុទ្ធសាស្ត្រ ត្រូវបានបង្កើតឡើង ដោយសង្កត់ធ្ងន់ថា ការដឹកជញ្ជូននឹងអាស្រ័យ លើការអនុញ្ញាតរបស់អ៊ីរ៉ង់។
អ្នកនាំពាក្យរូបនេះ បាននិយាយថា «ស្ថានភាពនៅច្រកសមុទ្រ នឹងមិនវិលត្រឡប់ទៅអតីតកាលទេ» ដោយបន្ថែមថា «ការអនុញ្ញាតឱ្យដឹកជញ្ជូននឹងត្រូវបានកំណត់ដោយយើង»។
លោកបន្ថែមថា «ភ្លើងដែលស្ថិតនៅក្រោមតម្លៃប្រេងត្រូវបានបញ្ឆេះ ហើយកម្រិតរបស់វាស្ថិតនៅក្នុងដៃរបស់យើង»។
ដោយពណ៌នាថា វាជាអថេរមួយក្នុងចំណោមអថេរជាច្រើននៅក្នុងការប្រឈមមុខដាក់គ្នា។
សហរដ្ឋអាមេរិក និងអ៊ីស្រាអែលបានធ្វើការវាយប្រហារតាមអាកាសលើអ៊ីរ៉ង់ចាប់តាំងពីថ្ងៃទី 28 ខែកុម្ភៈ ដោយបានសម្លាប់មនុស្សជាង 1,៥40 នាក់រហូតមកដល់ពេលនេះ រួមទាំងមេដឹកនាំកំពូល Ayatollah Ali Khamenei ផងដែរ៕