ប្រព័ន្ធផ្សព្វផ្សាយអ៊ីស្រាអែល បានរាយការណ៍ថា លោកAlireza Tangsiri មេបញ្ជាការកងទ័ពជើងទឹកនៃឆ្មាំបដិវត្តន៍របស់អ៊ីរ៉ង់ ត្រូវបានសម្លាប់នៅក្នុងការវាយប្រហារមួយ នៅទីក្រុងBandar Abbas។
ប្រភពពីសារព័ត៌មានIran international នៅថ្ងៃទី២៦ ខែមីនា។
ប្រភពបានអះអាងថា លោក Tangsiri មានតួនាទីសំខាន់ ក្នុងការគ្រប់គ្រងស្ថានភាពនៅ ច្រកសមុទ្រ Hormuz ជាពិសេសពាក់ព័ន្ធ នឹងការគំរាមបិទច្រកសមុទ្រនេះ ដែលជាច្រកដឹកជញ្ជូនប្រេងសំខាន់របស់ពិភពលោក។
ជាមួយគ្នានេះ អាជ្ញាធរអ៊ីរ៉ង់ បានបញ្ជាក់ថា មានការផ្ទុះជាច្រើនកើតឡើងនៅទីក្រុង Bandar Abbas បន្ទាប់ពីការវាយប្រហាររួមរបស់ សហរដ្ឋអាមេរិក និងអ៊ីស្រាអែល លើតំបន់មួយចំនួនក្នុងទីក្រុង។
ទោះជាយ៉ាងណា មិនទាន់មានព័ត៌មានផ្លូវការអំពីស្ថានភាពរបស់លោក Tangsiri ឬចំនួនអ្នកស្លាប់ និងរបួសនៅឡើយទេ។
ហេតុការណ៍នេះ បង្ហាញពីការកើនឡើងនៃជម្លោះយោធា នៅតំបន់មជ្ឈិមបូព៌ា ដែលកំពុងបន្តបង្កការព្រួយបារម្ភអំពីសន្តិសុខ និងស្ថិរភាពក្នុងតំបន់៕