យោធាអ៊ីស្រាអែល កំពុងបញ្ជូនកងទ័ពបន្ថែមទៅកាន់ភាគខាងត្បូងនៃប្រទេសលីបង់ ដើម្បីពង្រីកប្រតិបត្តិការលើដីគោក ខណៈស្ថានការណ៍សន្តិសុខកាន់តែតានតឹង និងបង្កើនការព្រួយបារម្ភពីសហគមន៍អន្តរជាតិ។
ប្រភពពីសារព័ត៌មានAl Jazeera នៅថ្ងៃទី២៧ខែមីនា។
យោងតាមយោធាអ៊ីស្រាអែល កងពលលេខ 162 ត្រូវបានដាក់ចូលរួមបន្ថែមក្នុងតំបន់ ដើម្បីពង្រីកនៅជាយព្រំដែន។ កងទ័ពនេះបានចូលរួមជាមួយកងពលពីរផ្សេងទៀត ដែលកំពុងប្រតិបត្តិការរួចហើយនៅតំបន់ភាគខាងត្បូងលីបង់។
សូមបញ្ជាក់ថា៖ មន្ត្រីរដ្ឋាភិបាលលីបង់បានព្រមានថា សកម្មភាពយោធារបស់អ៊ីស្រាអែលកំពុងរំលោភលើអធិបតេយ្យភាពជាតិ និងអាចលើសច្បាប់អន្តរជាតិ ខណៈសហគមន៍អន្តរជាតិអំពាវនាវឱ្យមានការកាត់បន្ថយភាពតានតឹង និងស្វែងរកដំណោះស្រាយតាមផ្លូវការទូត៕