អាជ្ញាធរគុយវ៉ែត បានរាយការណ៍ថា ការវាយប្រហាររបស់អ៊ីរ៉ង់ លើរោងចក្រចម្រាញ់ទឹកប្រៃ និងថាមពលទឹក នៅក្នុងប្រទេសគុយវ៉ែត បានសម្លាប់កម្មករឥណ្ឌាម្នាក់ និងបំផ្លាញអគារមួយនៅទីតាំងនោះ។
ខណៈដែលភាពតានតឹង ក្នុងតំបន់កំពុងកើនឡើងអំឡុងពេលសង្គ្រាម រវាងសហរដ្ឋអាមេរិក និងអ៊ីស្រាអែលលើអ៊ីរ៉ង់។
សារព័ត៌មានAl Jazeera នៅថ្ងៃទី៣០.០៣.២០២៦។
ក្រសួងអគ្គិសនីគុយវ៉ែត បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា”អគារសេវាកម្មមួយនៅរោងចក្រចម្រាញ់ទឹកប្រៃ និងថាមពលទឹកប្រៃ ត្រូវបានវាយប្រហារជាផ្នែកមួយ នៃការឈ្លានពានរបស់អ៊ីរ៉ង់ប្រឆាំងនឹងរដ្ឋគុយវ៉ែត បណ្តាលឱ្យកម្មករឥណ្ឌាម្នាក់ស្លាប់ និងខូចខាតសម្ភារៈអគារយ៉ាងធ្ងន់ធ្ងរ”។
ក្រុមសង្គ្រោះ ត្រូវបានបញ្ជូនទៅទីតាំងនោះភ្លាមៗ ដើម្បីដោះស្រាយផលវិបាកនៃការវាយប្រហារ និងធានាបាននូវការបន្តប្រតិបត្តិការធម្មតា។
មិនមានការអត្ថាធិប្បាយ ជាផ្លូវការពីអ៊ីរ៉ង់ទេ ដែលប្រព័ន្ធផ្សព្វផ្សាយរដ្ឋបានដកស្រង់សម្តីក្រសួងគុយវ៉ែតថា មានការខូចខាតយ៉ាងទូលំទូលាយនៅរោងចក្រនេះ ជាលទ្ធផលនៃការវាយប្រហារ។
ទីក្រុងគុយវ៉ែត លោក Malik Traina អ្នកយកព័ត៌មាន Al Jazeera បាននិយាយថា ប្រទេសគុយវ៉ែត ត្រូវបានទទួលរងការវាយប្រហារម្តងហើយម្តងទៀត ចាប់តាំងពីការចាប់ផ្តើមសង្គ្រាមរវាងសហរដ្ឋអាមេរិក និងអ៊ីស្រាអែលលើប្រទេសអ៊ីរ៉ង់កាលពីជាងមួយខែមុន។
លោកបានមានប្រសាសន៍ថា“កាលពីល្ងាចម្សិលមិញ ក្រសួងការពារជាតិបាននិយាយថា មីស៊ីលចំនួន១៤ គ្រាប់ និងយន្តហោះគ្មានមនុស្សបើកចំនួន ១២ គ្រឿងត្រូវបានរកឃើញនៅក្នុងដែនអាកាសគុយវ៉ែត ហើយយន្តហោះគ្មានមនុស្សបើកជាច្រើនគ្រឿងក្នុងចំណោមនោះកំពុងកំណត់គោលដៅលើជំរំយោធាមួយ ជាកន្លែងដែលទាហាន ១០ នាក់បានរងរបួស”។ “ពួកគេត្រូវបានបញ្ជូនទៅមន្ទីរពេទ្យ និងបានទទួលការព្យាបាល ពីគ្រូពេទ្យចាប់តាំងពីពេលនោះមក៕