នៅពេលដែលកម្មវិធីនុយក្លេអ៊ែរ សម្ងាត់របស់អ៊ីរ៉ង់ ទទួលបានការចាប់អារម្មណ៍ពីអន្តរជាតិជាង២ទសវត្សរ៍មុន ទីក្រុងតេអេរ៉ង់ បានទទូចថា ចេតនារបស់ខ្លួន គឺសន្តិភាព ហើយខ្លួនមិនមានគម្រោងអភិវឌ្ឍអាវុធនោះទេ។
មេដឹកនាំកំពូលរបស់ប្រទេសនេះ គឺលោក Ayatollah Ali Khamenei ថែមទាំងបានចេញសេចក្តីសម្រេចផ្លូវច្បាប់ ក្រោមច្បាប់អ៊ីស្លាម ដោយហាមឃាត់ពួកគេ។
សារព័ត៌មានCNN នៅថ្ងៃទី៣០.០៣.២០២៦។
ប៉ុន្តែការស្លាប់របស់លោក នៅក្នុងដៃរបស់សហរដ្ឋអាមេរិក និងអ៊ីស្រាអែលកាលពីខែមុន អាចបើកផ្លូវសម្រាប់ក្រុមដែលមានជំហររឹងរូសបំផុត របស់របបនេះ ដើម្បីគិតឡើងវិញអំពីសេចក្តីសម្រេច។
ការពិភាក្សាជាសាធារណៈនៅក្នុងប្រទេសអ៊ីរ៉ង់ កំពុងឆ្ពោះទៅរកផ្លូវនោះរួចហើយ។
លោកស្រី Trita Parsi មកពីវិទ្យាស្ថាន Quincy សម្រាប់រដ្ឋដែលមានទំនួលខុសត្រូវបានប្រាប់CNNថា “សេចក្តីសម្រេចស្តីពីនុយក្លេអ៊ែរ បានស្លាប់ទៅហើយ”។
មតិវរជន ក៏ដូចជាមតិសាធារណៈ បានផ្លាស់ប្តូរយ៉ាងខ្លាំងលើរឿងនេះ ដែលមិនគួរគួរឱ្យភ្ញាក់ផ្អើលនោះទេ ចាប់តាំងពីអ៊ីរ៉ង់ ត្រូវបានទម្លាក់គ្រាប់បែក ២ដងក្នុងអំឡុងពេលចរចាដោយរដ្ឋ ដែលមានអាវុធនុយក្លេអ៊ែរចំនួន២។
អស់រយៈពេលជាច្រើនឆ្នាំ អតីតមេដឹកនាំកំពូលរូបនេះ បានទប់ទល់នឹងសម្ពាធផ្ទៃក្នុង ដើម្បីអនុញ្ញាតឱ្យសាងសង់អាវុធនុយក្លេអ៊ែរ ជាពិសេសបន្ទាប់ពីប្រធានាធិបតីអាមេរិក ដូណាល់ ត្រាំ បានដកខ្លួនចេញពីកតិកាសញ្ញានុយក្លេអ៊ែរ ដែលបានចរចារវាងអ៊ីរ៉ង់ និងរដ្ឋបាលលោក អូបាម៉ា ក្នុងឆ្នាំ ២០១៨។
ដោយប្រឈមមុខ នឹងអរិភាពកាន់តែខ្លាំងឡើងរបស់អាមេរិក និងអ៊ីស្រាអែល លោក ខាមេនី បែរជាប្រកាន់ខ្ជាប់នូវគោលលទ្ធិរបស់លោកអំពីអ្វីដែលអ្នកជំនាញហៅថា “ការអត់ធ្មត់ជាយុទ្ធសាស្ត្រ”។
លោក បានអនុញ្ញាតឱ្យអ៊ីរ៉ង់ ជំរុញកម្មវិធីចម្រាញ់អ៊ុយរ៉ាញ៉ូមរបស់ខ្លួនជាបន្តបន្ទាប់ ។
ដោយនាំសម្ភារៈឱ្យកាន់តែខិតជិតកម្រិតអាវុធ ដោយមិនឆ្លងកាត់កម្រិតចូលទៅក្នុងការអភិវឌ្ឍគ្រាប់ បែកពិតប្រាកដ។
ជំហរនុយក្លេអ៊ែរ របស់លោក ម៉ូជតាបា មិនច្បាស់លាស់
ការអំពាវនាវឱ្យបន្តគ្រាប់បែក នុយក្លេអ៊ែរ កាន់តែខ្លាំងឡើង។
ជាមួយនឹងប្រតិបត្តិការយោធា ដែលមិនធ្លាប់មានពីមុនមករបស់អ៊ីស្រាអែលប្រឆាំងនឹងអ៊ីរ៉ង់ កាលពីឆ្នាំមុន ។
ដែលបានសម្លាប់មេដឹកនាំយោធា និងនុយក្លេអ៊ែរជាច្រើននាក់ របស់ប្រទេស។
ការអំពាវនាវបានកើនឡើងម្តងទៀតជាមួយនឹងបញ្ជារបស់លោក ត្រាំ ឱ្យវាយប្រហារទីតាំងនុយក្លេអ៊ែរ សំខាន់បំផុតចំនួន៣របស់អ៊ីរ៉ង់៕