អតីតសមាជិកសភារដ្ឋញូវជឺស៊ី លោក Albert Coutinho អាយុ៥៦ឆ្នាំ បានស្លាប់បន្ទាប់ពីជួបគ្រោះថ្នាក់ចរាចរណ៍ដ៏សាហាវមួយកាលពីព្រឹកថ្ងៃអាទិត្យ ក្នុងទីក្រុង Newark។
ប្រភពពីសារព័ត៌មានThe News york post នៅថ្ងៃទី៣០ខែមីនា។
យោងតាមរបាយការណ៍ព័ត៌មាន គ្រោះថ្នាក់បានកើតឡើងប្រហែលម៉ោង ៧:៣០ ព្រឹក លើផ្លូវ McCarter Highway បន្ទាប់ពីមានការប៉ះទង្គិចគ្នារវាងរថយន្តពីរគ្រឿង។ ទោះបីជាលោក Coutinho អាចរួចផុតពីការប៉ះទង្គិចដំបូងក៏ដោយ ប៉ុន្តែបន្ទាប់មកលោកបានគាំងបេះដូង និងស្លាប់នៅកន្លែងកើតហេតុ។
សូមបញ្ជាក់ថា៖ លោក Coutinho គឺជាអតីតតំណាងរាស្ត្រនៅសភារដ្ឋ New Jersey ប៉ុន្តែលោកបានចាកចេញពីតំណែងកាលពីមុន បន្ទាប់ពីត្រូវបានចោទប្រកាន់ថាបានកិបកេងប្រាក់ពីអង្គការសប្បុរសធម៌របស់គ្រួសារខ្លួន។
អាជ្ញាធរនៅកំពុងបន្តស៊ើបអង្កេតលើមូលហេតុពិតប្រាកដនៃគ្រោះថ្នាក់នេះ៕