ក្រសួងការពារជាតិ បាននិយាយកាលពីថ្ងៃចន្ទទី៣០.០៣.២០២៦ថា យន្តហោះចម្បាំង របស់កងទ័ពអាកាសអង់គ្លេស(RAF) ដែលកំពុងប្រតិបត្តិការនៅក្នុងតំបន់ឈូងសមុទ្រ ដែលមានការគំរាមកំហែងខ្ពស់ បានបាញ់ទម្លាក់យន្តហោះដ្រូនអ៊ីរ៉ង់ជាច្រើនគ្រឿង ដោយជោគជ័យពេញមួយយប់។
សារព័ត៌មាន Anadolu។
នៅក្នុងព័ត៌មានថ្មីៗ ប្រចាំថ្ងៃរបស់ខ្លួនស្តីពីសកម្មភាពយោធា របស់ចក្រភពអង់គ្លេសនៅមជ្ឈិមបូព៌ា ក្នុងអំឡុងពេលសង្គ្រាមអាមេរិក-អ៊ីរ៉ង់។
ក្រសួង បាននិយាយថា យន្តហោះដ្រូនទាំងនោះត្រូវបានបំផ្លាញដោយយន្តហោះចម្បាំង របស់កងវរសេនាធំ RAF។
យន្តហោះចម្បាំង Typhoons និងយន្តហោះចម្បាំងF-35 របស់ចក្រភពអង់គ្លេស រួមជាមួយនឹងឧទ្ធម្ភាគចក្រ Wildcat បានបន្តបេសកកម្មការពារពេញមួយយប់លើប្រទេសស៊ីប ហ្ស៊កដានី បារ៉ែន កាតា និងអារ៉ាប់រួម។
ក្រសួង បានកត់សម្គាល់ថា អ្នកបើកយន្តហោះ និងក្រុមនាវិករបស់ចក្រភពអង់គ្លេស ឥឡូវនេះបានហោះហើរលើសពី 1,200 ម៉ោងក្នុងអំឡុងពេលប្រតិបត្តិការ ចាប់តាំងពីជម្លោះបានចាប់ផ្តើម។
នៅថ្ងៃអាទិត្យ យន្តហោះចម្បាំងរបស់កងវរសេនាធំ RAF ត្រូវបានគេរាយការណ៍ថា បានបាញ់ទម្លាក់”យន្តហោះដ្រូនវាយប្រហារមួយផ្លូវ” ចំនួន៧គ្រឿងពេញមួយយប់។
តំបន់នេះបានស្ថិតក្នុងស្ថានភាពប្រុងប្រយ័ត្ន ចាប់តាំងពីសហរដ្ឋអាមេរិក និងអ៊ីស្រាអែល បានបើកការវាយលុកតាមអាកាសលើអ៊ីរ៉ង់នៅថ្ងៃទី 28 ខែកុម្ភៈ ដោយបានសម្លាប់មនុស្សជាង 1,340 នាក់ រួមទាំងមេដឹកនាំកំពូល Ayatollah Ali Khamenei ផងដែរ៕