ការប៉ះទង្គិចគ្នា រវាងក្រុម Hezbollah និងទាហានអ៊ីស្រាអែល នៅភាគខាងត្បូងប្រទេសលីបង់ បណ្តាលឱ្យយោធាអ៊ីស្រាអែល៤នាក់ស្លាប់ និងរបួស២នាក់!។
សារព័ត៌មានRoya news នៅថ្ងៃទី៣១.០៣.២០២៦។
អ៊ីស្រាអែលបានរាយការណ៍ថា ទាហាន ចំនួន៤នាក់ រួមទាំងមន្ត្រីម្នាក់មកពីកងពលតូច Nahal ត្រូវបានសម្លាប់នៅក្នុងការប៉ះទង្គិចជាមួយយុទ្ធជន Hezbollah នៅភាគខាងត្បូងប្រទេសលីបង់ ខណៈទាហាន២នាក់ទៀត បានរងរបួសនៅក្នុងការប្រយុទ្ធគ្នា។
យោធាអ៊ីស្រាអែល បញ្ជាក់ថា ទាហានទាំងនោះ ត្រូវបានសម្លាប់ក្នុងអំឡុងពេលប្រយុទ្ធគ្នា នៅលើដីជាផ្នែកមួយនៃប្រតិបត្តិការ ដែលកំពុងបន្តតាមបណ្តោយព្រំដែនភាគខាងត្បូង៕