ប្រធានាធិបតីអាមេរិក លោក Donald Trump នៅថ្ងៃអង្គារទី៣១.០៣.២០២៦ បានប្រតិកម្មទៅនឹងចក្រភពអង់គ្លេស ចំពោះការបដិសេធ មិនចូលរួមក្នុងការវាយលុករួមគ្នារវាងសហរដ្ឋអាមេរិក និងអ៊ីស្រាអែលលើអ៊ីរ៉ង់។
ដោយថែមទាំងបាន ចោទប្រកាន់ប្រទេសបារាំងថា«មិនមានប្រយោជន៍»។
ក្រោយបារាំង បដិសេធមិនឱ្យធ្វើការហោះហើរផ្គត់ផ្គង់យោធា ទៅកាន់អ៊ីស្រាអែល។
សារព័ត៌មានAnadolu។
ក្នុងការបង្ហោះនៅលើផ្សព្វផ្សាយសង្គម Truth Social លោក Trump បានណែនាំថា ចក្រភពអង់គ្លេស និងប្រទេសដទៃទៀតដែល «មិនអាចទទួលបានប្រេងឥន្ធនៈយន្តហោះ» ដោយសារតែការបិទច្រកសមុទ្រ Hormuz គួរតែទិញពីសហរដ្ឋអាមេរិក ឬ«បង្កើតភាពក្លាហាន ទៅយកប្រេងនៅច្រកសមុទ្រដោយខ្លួនឯង»។
ដោយចោទប្រកាន់ប្រទេសទាំងនេះថាមិនគាំទ្រសហរដ្ឋអាមេរិកក្នុងអំឡុងពេលសង្គ្រាមលើអ៊ីរ៉ង់។
លោក បាននិយាយថា «អ្នកនឹងត្រូវចាប់ផ្តើមរៀនពីរបៀបប្រយុទ្ធ ដើម្បីខ្លួនឯង សហរដ្ឋអាមេរិក នឹងមិននៅទីនោះដើម្បីជួយអ្នកទៀតទេ»។
លោកបានបន្ថែមថា«អ៊ីរ៉ង់ត្រូវបានបំផ្លាញទាំងស្រុង ផ្នែកដ៏លំបាកត្រូវបានធ្វើរួច ទៅយកប្រេងដោយខ្លួនឯង»។
នៅក្នុងការបង្ហោះដាច់ដោយឡែកមួយ លោក Trump បានស្តីបន្ទោសប្រទេសបារាំងចំពោះការ«មិនជួយអ្វីទាល់តែសោះ»ក្នុងការសម្លាប់មេដឹកនាំកំពូលអ៊ីរ៉ង់ លោក Ali Khamenei កាលពីថ្ងៃទី 28 ខែកុម្ភៈ នៅពេលដែលទីក្រុងវ៉ាស៊ីនតោន និងទីក្រុង Tel Aviv បានបើកការវាយប្រហារតាមអាកាសលើប្រទេសនេះ។
លោកបាននិយាយថា ប្រទេសបារាំងបែរជាមិនអនុញ្ញាតឱ្យយន្តហោះផ្ទុកសម្ភារៈយោធា ហោះឆ្លងកាត់ទឹកដីបារាំង ទៅកាន់អ៊ីស្រាអែល៕