អ៊ីរ៉ង់ បានព្រមាននៅសុក្រទី០៣.០៤.២០២៦ថា ខ្លួននឹងកំណត់គោលដៅលើទ្រព្យសម្បត្តិរបស់សហរដ្ឋអាមេរិក និងអ៊ីស្រាអែលនៅទូទាំងតំបន់ ប្រសិនបើហេដ្ឋារចនាសម្ព័ន្ធរបស់ខ្លួនត្រូវបានវាយប្រហារ ។
បន្ទាប់ពីប្រធានាធិបតីអាមេរិក លោក Donald Trump បានគំរាមពង្រីកការវាយប្រហារទៅកាន់ស្ពាន និងរោងចក្រថាមពល។
សារព័ត៌មាន Iran International នៅថ្ងៃទី០៣.០៤.២០២៦។
អ្នកនាំពាក្យរបស់ទីស្នាក់ការកណ្តាល Khatam al-Anbiya បាននិយាយថា កងកម្លាំងប្រដាប់អាវុធរបស់អ៊ីរ៉ង់ នឹងឆ្លើយតប ដោយការវាយប្រហារទៅលើទីតាំងថាមពល សេដ្ឋកិច្ច និងយោធានៅក្នុងតំបន់ និងនៅអ៊ីស្រាអែល ប្រសិនបើការវាយប្រហារបែបនេះត្រូវបានអនុវត្ត។
លោក Trump បានសរសេរនៅលើ Truth Social កាលពីថ្ងៃព្រហស្បតិ៍ថា “យោធារបស់យើង មិនទាន់បានចាប់ផ្តើមបំផ្លាញអ្វី ដែលនៅសេសសល់នៅក្នុងប្រទេសអ៊ីរ៉ង់នៅឡើយទេ។ ស្ពានបន្ទាប់ បន្ទាប់មករោងចក្រថាមពលអគ្គិសនី”ដោយជំរុញឱ្យថ្នាក់ដឹកនាំអ៊ីរ៉ង់ធ្វើសកម្មភាព“យ៉ាងឆាប់រហ័ស”។
អ្នកនាំពាក្យអ៊ីរ៉ង់ បន្ថែមថា ប្រទេសដែលមានមូលដ្ឋានយោធាអាមេរិកប្រឈមនឹងការត្រូវបានកំណត់គោលដៅ លុះត្រាតែពួកគេបង្ខំកងកម្លាំងអាមេរិកឱ្យចាកចេញ។
ស្ពានB1 ដែលរងការខូចខាតដោយការវាយប្រហារ ខណៈដែលជម្លោះរវាងសហរដ្ឋអាមេរិក និងអ៊ីស្រាអែលជាមួយអ៊ីរ៉ង់នៅតែបន្ត នៅទីក្រុង Karaj ប្រទេសអ៊ីរ៉ង់ ថ្ងៃទី 3 ខែមេសា ឆ្នាំ 2026។
ប្រធានាធិបតីលោក Donald Trump បាននិយាយថា សហរដ្ឋអាមេរិក “មិនទាន់បានចាប់ផ្តើមបំផ្លាញអ្វីដែលនៅសេសសល់នៅក្នុងប្រទេសអ៊ីរ៉ង់នៅឡើយទេ”ដោយបន្ថែម“ស្ពានបន្ទាប់”។
ខណៈដែលលោកបានសន្យាថា នឹងបង្កើនការវាយប្រហារលើហេដ្ឋារចនាសម្ព័ន្ធ៕