យ៉ាងហោចណាស់មានមនុស្ស៤៣ នាក់ត្រូវបានសម្លាប់ បន្ទាប់ពីការវាយប្រហារដោយក្រុមឧទ្ទាម នៅភាគឦសាននៃកុងហ្គោ។ ការវាយប្រហារនេះកើតឡើងនៅភូមិ Bafwakoa ក្នុងតំបន់ Mambasa ខេត្ត Ituri ហើយបានបំផ្លាញផ្ទះប្រជាពលរដ្ឋចំនួន៤៤ខ្នង។
ប្រភពពីសារព័ត៌មានAl Jazeera នៅថ្ងៃទី៣ខែមេសា។
យោងតាមកងទ័ពក្នុងតំបន់ ក្រុមឧទ្ទាមបានវាយប្រហារលើប្រជាពលរដ្ឋ ដោយខ្លះត្រូវបានសម្លាប់ដោយកាំបិត ខ្លះត្រូវបានដុតនៅក្នុងផ្ទះ និងមានមនុស្សពីរនាក់ត្រូវបានចាប់ពង្រត់។
អាជ្ញាធរមូលដ្ឋានបានបញ្ជាក់ថា ប្រតិបត្តិការស្វែងរកនៅតែបន្ត ហើយចំនួនអ្នកស្លាប់អាចនឹងកើនឡើង៕