រដ្ឋាភិបាលគុយបា បានប្រកាសដោះលែងអ្នកទោសចំនួន 2,010នាក់ ដែលជាការដោះលែងដ៏ធំបំផុតក្នុងរយៈពេលជាច្រើនឆ្នាំមកនេះ ខណៈប្រទេសកំពុងប្រឈមមុខនឹងវិបត្តិសេដ្ឋកិច្ចធ្ងន់ធ្ងរ និងសម្ពាធពីអាមេរិក។
ប្រភពពីសារព័ត៌មានCNN នៅថ្ងៃទី៣ខែមេសា។
យោងតាមកាសែតផ្លូវការរបស់រដ្ឋាភិបាល Granma ការដោះលែងនេះផ្អែកលើអាកប្បកិរិយាល្អ ស្ថានភាពសុខភាព និងប្រភេទបទល្មើសរបស់អ្នកទោស។ អ្នកដែលត្រូវបានដោះលែងរួមមានយុវជន ស្ត្រី មនុស្សអាយុលើសពី 60 ឆ្នាំ និងជនបរទេស ប៉ុន្តែមិនរាប់បញ្ចូលអ្នកដែលប្រព្រឹត្តបទឧក្រិដ្ឋធ្ងន់ធ្ងរដូចជា ឃាតកម្ម ឬរំលោភផ្លូវភេទ៕