អាជ្ញាធរអាកាសចរណ៍ស៊ីវិលអ៊ីរ៉ាក់ បានពង្រីកការបិទដែនអាកាសរបស់ប្រទេសចំពោះយន្តហោះទាំងអស់ រួមមានការមកដល់ ចេញដំណើរ និងហោះហើរលើអាកាស រយៈពេលមួយសប្តាហ៍ នៅថ្ងៃសុក្រចាប់ពីម៉ោង១២ថ្ងៃត្រង់ដល់ថ្ងៃទី ១០ ខែមេសា ម៉ោង១២ថ្ងៃត្រង់។
ប្រភពពីសារព័ត៌មានAnadolu Agency នៅថ្ងៃទី៣ខែមេសា។
ការបិទនេះត្រូវបានអនុវត្តដោយសារកង្វល់សន្តិសុខក្នុងតំបន់ និងស្ថានភាពតានតឹងដែលកើតឡើង បន្ទាប់ពីសហរដ្ឋអាមេរិក និងអ៊ីស្រាអែលបានចាប់ផ្តើមវាយប្រហារលើអ៊ីរ៉ង់នៅថ្ងៃទី ២៨ ខែកុម្ភៈ។
ទីក្រុងតេអេរ៉ង់ ក៏បានប្រឈមមុខនឹងការវាយប្រហារដោយយន្តហោះគ្មានមនុស្សបើក និងមីស៊ីល ដែលមានគោលដៅទៅលើអ៊ីស្រាអែល និងតំបន់ជិតខាង ដូចជា ហ្ស៊កដានី និងអ៊ីរ៉ាក់។ អាជ្ញាធរអាកាសចរណ៍បានសន្យាថា ការសម្រេចចិត្តនេះនឹងត្រូវបានពិនិត្យឡើងវិញបន្ទាប់ពីមានព័ត៌មានថ្មីៗ និងជូនដំណឹងដល់ក្រុមហ៊ុនអាកាសចរណ៍ និងអាជ្ញាធរពាក់ព័ន្ធ៕