ខណៈដែលកងកម្លាំងសហរដ្ឋអាមេរិកកំពុងស្វែងរកអ្នកបើកយន្តហោះដែលត្រូវបានរាយការណ៍ថាត្រូវបានបាញ់ទម្លាក់ អតីតអ្នកបើកយន្តហោះកងទ័ពអាកាសបានពន្យល់ពីវិធីដែលអ្នកបើកយន្តហោះអាចរស់រានមានជីវិតបាន។
ប្រភពពីសារព័ត៌មានAFP នៅថ្ងៃទី៤ខែមេសា។
លោក Houston Cantwell អតីតឧត្តមសេនីយ៍ឯកកងទ័ពអាកាសអាមេរិក បាននិយាយថាអ្នកបើកយន្តហោះត្រូវបានបណ្តុះបណ្តាលក្រោមកម្មវិធី Survival, Evasion, Resistance and Escape (SERE) ដែលបង្រៀនពីការរស់រានមានជីវិត ការលាក់ខ្លួន និងការរត់គេច នៅពេលយន្តហោះត្រូវបានបាញ់ទម្លាក់។
លោកបានបញ្ជាក់ថា នៅពេលលោតចុះពីយន្តហោះដោយឆ័ត្រយោង អ្នកបើកយន្តហោះត្រូវពិនិត្យស្ថានភាពរាងកាយរបស់ខ្លួនភ្លាមៗ ដើម្បីដឹងថាមានរបួសឬអត់ និងអាចផ្លាស់ទីបានដែរ ឬទេ។ ការចុះចតអាចបង្កឱ្យមានរបួសដូចជា បាក់ជើង ឬរបួសកជើង។
អ្នកបើកយន្តហោះក៏ត្រូវស្វែងរកទីតាំងលាក់ខ្លួន និងរកប្រភពទឹក ដើម្បីរស់រានមានជីវិតរហូតដល់ក្រុមជួយសង្គ្រោះមកដល់។ការពន្យល់នេះកើតឡើង ខណៈភាពតានតឹងក្នុងតំបន់មជ្ឈិមបូព៌ាកំពុងកើនឡើង និងមានរបាយការណ៍ថាយន្តហោះយោធាត្រូវបានបាញ់ទម្លាក់ក្នុងសង្គ្រាម៕