ប្រទេសប៉ាគីស្ថាន បានស្នើផែនការឈប់បាញ់ពីរដំណាក់កាល ដើម្បីបញ្ចប់សង្គ្រាមរវាងសហរដ្ឋអាមេរិក និង អ៊ីស្រាអែល លើអ៊ីរ៉ង់ ខណៈភាគីពាក់ព័ន្ធកំពុងពិចារណាលើសំណើនេះ។
ប្រភពពីសារព័ត៌មានAl Jazeera នៅថ្ងៃទី៦ខែមេសា។
តាមផែនការនេះ ជំហានដំបូងគឺការឈប់បាញ់ភ្លាមៗ និងការចាប់ផ្តើមចរចា ខណៈជំហានទីពីរមានគោលបំណងបញ្ចប់សង្គ្រាមជាអចិន្ត្រៃយ៍ និងបើក ច្រកសមុទ្រ Hormuz ឡើងវិញក្នុងរយៈពេលប្រហែល ១៥–២០ ថ្ងៃ។ កិច្ចព្រមព្រៀងនេះត្រូវបានហៅថាកិច្ចព្រមព្រៀង Islamabadដែលអាចនាំឱ្យមានកិច្ចពិភាក្សាចុងក្រោយនៅរដ្ឋធានីប៉ាគីស្ថាន៕