អនុប្រធានាធិបតីសហរដ្ឋអាមេរិក លោកJD Vance បាននិយាយថាអ៊ីរ៉ង់ល្ងង់ប្រសិនបើធ្វើឱ្យការចរចាបទឈប់បាញ់ជាមួយសហរដ្ឋអាមេរិកមិនជោគជ័យ ដោយសារការវាយប្រហាររបស់អ៊ីស្រាអែលនៅក្នុងលីបង់។
ប្រភពពីសារព័ត៌មានAl Jazeera នៅថ្ងៃទី៩ខែមេសា។
លោក Vance បាននិយាយថា សហរដ្ឋអាមេរិកមិនបានយល់ព្រមថា ប្រទេសលីបង់ជាផ្នែកមួយនៃបទឈប់បាញ់រយៈពេលពីរសប្តាហ៍នោះទេ ហើយជឿថា អ៊ីរ៉ង់មាន ការយល់ច្រឡំអំពីចំណុចនេះ។
មុននេះ រដ្ឋមន្ត្រីការបរទេសអ៊ីរ៉ង់ Abbas Araghchi បានអះអាងថា បទឈប់បាញ់ត្រូវតែរួមបញ្ចូលប្រទេសលីបង់ ហើយបានព្រមានថា សហរដ្ឋអាមេរិកត្រូវជ្រើសរើសរវាងការរក្សាបទឈប់បាញ់ ឬបន្តសង្គ្រាមតាមរយៈអ៊ីស្រាអែល។
យ៉ាងណាក៏ដោយ ប្រធានាធិបតីអាមេរិក Donald Trump និងសេតវិមានបានបញ្ជាក់ថា ប្រទេសលីបង់មិនមែនជាផ្នែកនៃកិច្ចព្រមព្រៀងបទឈប់បាញ់នោះទេ៕