នាយករដ្ឋមន្ត្រីអ៊ីស្រាអែល លោក Benjamin Netanyahu បានណែនាំគណៈរដ្ឋមន្ត្រីរបស់លោក ឱ្យចាប់ផ្តើម “ការចរចាដោយផ្ទាល់”ជាមួយលីបង់ “ឱ្យបានឆាប់តាមដែលអាចធ្វើទៅបាន” ដោយនិយាយថា ការចរចានឹងផ្តោតលើការរំសាយអាវុធ របស់ក្រុមហេសបូឡា និងបង្កើតទំនាក់ទំនងសន្តិភាពរវាងប្រទេសទាំងពីរ។
សារព័ត៌មានCNN នៅថ្ងៃទី០៩.០៤.២០២៦។
លោក Netanyahu បាននិយាយនៅក្នុងសេចក្តីថ្លែងការណ៍មួយថា “ដោយសារតែសំណើម្តងហើយម្តងទៀតរបស់ប្រទេសលីបង់ ។
ដើម្បីបើកការចរចាដោយផ្ទាល់ជាមួយអ៊ីស្រាអែល កាលពីម្សិលមិញ ខ្ញុំបានណែនាំគណៈរដ្ឋមន្ត្រី ឱ្យចាប់ផ្តើមការចរចាដោយផ្ទាល់ជាមួយលីបង់ឱ្យបានឆាប់តាមដែលអាចធ្វើទៅបាន”។
លោក Netanyahu បាននិយាយថា ការចរចានឹងផ្តោតលើ “ការរំសាយអាវុធរបស់ក្រុមហេសបូឡា និងបង្កើតទំនាក់ទំនងសន្តិភាពរវាងអ៊ីស្រាអែល និងលីបង់”។
លោកបានបន្ថែមថា អ៊ីស្រាអែល “ស្វាគមន៍ចំពោះការអំពាវនាវនៅថ្ងៃនេះដោយនាយករដ្ឋមន្ត្រីលីបង់ ដើម្បីរំសាយអាវុធនៅទីក្រុងបេរូត”។
ការិយាល័យរបស់ប្រធានាធិបតីលីបង់ លោក Joseph Aoun បានប្រាប់ CNNថា ខ្លួនមិនមាន “មតិយោបល់” នៅពេលសួរអំពីការកត់សម្គាល់របស់លោក Netanyahu៕