មន្ទីរពេទ្យជាច្រើននៅទីក្រុងBeirut នៃប្រទេសលីបង់ កំពុងប្រឈមស្ថានភាពលំបាកក្នុងការព្យាបាលជនរងគ្រោះ បន្ទាប់ពីការវាយប្រហារតាមអាកាសរបស់អ៊ីស្រាអែលបានបំផ្លិចបំផ្លាញទីក្រុងនិងតំបន់ជុំវិញ។
ប្រភពពីសារព័ត៌មានAl Jazeera នៅថ្ងៃទី១០ខែមេសា។
នៅមជ្ឈមណ្ឌលវេជ្ជសាស្ត្រអាមេរិកាំងនៃសាកលវិទ្យាល័យបេរូត គ្រូពេទ្យបាននិយាយថាមន្ទីរពេទ្យបានទទួលអ្នករងរបួសប្រហែល៧៦ នាក់ក្នុងរយៈពេលតិចជាងមួយម៉ោង ខណៈមានមនុស្សយ៉ាងហោចណាស់ ៦ នាក់បានស្លាប់។ អ្នករងរបួសជាច្រើនគឺកុមារ និងទារកដែលត្រូវការព្យាបាលបន្ទាន់។
គ្រូពេទ្យព្រមានថា មន្ទីរពេទ្យកំពុងប្រឈមការខ្វះខាតសម្ភារៈវេជ្ជសាស្ត្រសំខាន់ៗ ខណៈដែលចំនួនជនរងគ្រោះកើនឡើងបន្តបន្ទាប់៕