លោក Mohammad Bagher Ghalibaf ប្រធានសភាអ៊ីរ៉ង់ បាននិយាយនៅព្រឹកថ្ងៃទី១១.០៤.២០២៦ថា សហរដ្ឋអាមេរិក«ត្រូវតែទទួលយក»សិទ្ធិរបស់អ៊ីរ៉ង់។
ខណៈដែលប្រតិភូអ៊ីរ៉ង់ នាំដោយលោក Ghalibaf បានមកដល់ទីក្រុងអ៊ីស្លាម៉ាបាដ ប្រទេសប៉ាគីស្ថាន ដើម្បីចរចាបទឈប់បាញ់ជាមួយសហរដ្ឋអាមេរិក។
សារព័ត៌មានRoya news ។
លោក Ghalibaf បាននិយាយថា «អ៊ីរ៉ង់បានមកចូលរួមកិច្ចចរចាអ៊ីស្លាម៉ាបាដ ដោយមានចេតនាល្អ ប៉ុន្តែមិនទុកចិត្តអាមេរិកទេ»។
លោកបានបន្ថែមថា«អាមេរិកមិនបានរក្សាការសន្យារបស់ខ្លួន កាលពីអតីតកាលក្នុងកិច្ចចរចានោះទេ»។
គណៈប្រតិភូចរចាអ៊ីរ៉ង់ ដឹកនាំដោយលោក Ghalibaf ហើយលោកត្រូវបានអមដំណើរដោយរដ្ឋមន្ត្រីការបរទេស Abbas Araghchi បន្ថែមពីលើលេខាធិការក្រុមប្រឹក្សាការពារជាតិ អភិបាលធនាគារកណ្តាល សមាជិកសភាមួយចំនួន និងមន្ត្រីនយោបាយ យោធា និងសេដ្ឋកិច្ចជាន់ខ្ពស់ផ្សេងទៀត៕