អ្នកកាសែតរបស់បណ្តាញAl Jazeera លោកMohammed Wishah ត្រូវបានសម្លាប់ ដោយការវាយប្រហារដោយដ្រូនរបស់អ៊ីស្រាអែល នៅក្នុងតំបន់ហ្គាហ្សា ខណៈកំពុងបើកបរទៅផ្ទះនៅជំរំជនភៀសខ្លួន Bureij refugee camp។
ប្រភពពីសារព័ត៌មានAl Jazeera នៅថ្ងៃទី១០ ខែមេសា។
ការស្លាប់របស់គាត់បានបង្កការភ្ញាក់ផ្អើល និងទុក្ខសោកយ៉ាងខ្លាំងក្នុងចំណោមអ្នកកាសែតនៅហ្គាហ្សា ដែលបានប្រមូលផ្តុំគ្នានៅមន្ទីរពេទ្យ Al-Aqsa Martyrs Hospital ដើម្បីលាគាត់ និងចូលរួមពិធីបុណ្យសព។
យោងតាមប្រភពព័ត៌មាន លោក Mohammed Wishah គឺជាអ្នកកាសែតចុងក្រោយក្នុងចំណោមអ្នកសារព័ត៌មានប៉ាឡេស្ទីន និងបុគ្គលិកប្រព័ន្ធផ្សព្វផ្សាយជាង ២៥០ នាក់ ដែលត្រូវបានសម្លាប់ក្នុងអំឡុងសង្គ្រាមនៅហ្គាហ្សាចាប់តាំងពីខែតុលា ឆ្នាំ ២០២៣៕