បញ្ជាការយោធាសហរដ្ឋអាមេរិកប្រចាំតំបន់មជ្ឈិមបូព៌ា (CENTCOM) បាននិយាយថា នាវាពិឃាតពីរគ្រឿងរបស់ខ្លួនបានឆ្លងកាត់ច្រកសមុទ្រ Hormuz ដើម្បីចូលរួមបេសកកម្មបោសសម្អាតមីនសមុទ្រ ដែលត្រូវបានអះអាងថាដាក់ដោយកងឆ្មាំបដិវត្តន៍អ៊ីស្លាមអ៊ីរ៉ង់ (IRGC)។ នាវាទាំងពីរនោះគឺ USS Frank E. Peterson និង USS Michael Murphy។
ប្រភពពីសារព័ត៌មានAl Jazeera នៅថ្ងៃទី១២ខែមេសា។
យោងតាម CENTCOM ការឆ្លងកាត់នេះជាផ្នែកមួយនៃបេសកកម្មធំមួយ ដើម្បីធានាថាច្រកសមុទ្រ Hormuz មានសុវត្ថិភាពសម្រាប់ចរាចរណ៍សមុទ្រ និងពាណិជ្ជកម្មអន្តរជាតិ។ មេបញ្ជាការកងទ័ពជើងទឹកអាមេរិក លោក Brad Cooper បាននិយាយថា ការបើកផ្លូវសុវត្ថិភាពថ្មីនេះអាចជួយលើកទឹកចិត្តឲ្យការដឹកជញ្ជូនពាណិជ្ជកម្មតាមសមុទ្រវិលត្រឡប់មកវិញ។
ទោះជាយ៉ាងណា យោធាអ៊ីរ៉ង់បានបដិសេធការអះអាងនេះភ្លាមៗ ដោយនិយាយថា មិនមាននាវាអាមេរិកណាមួយបានចូលទៅក្នុងច្រកសមុទ្រ Hormuz ដូចដែលអាមេរិកបានអះអាងឡើយ៕