សេចក្តីថ្លែងការណ៍រួមរវាងអ៊ីស្រាអែល.លីបង់.និងសហរដ្ឋអាមេរិកត្រូវបានចេញផ្សាយ បន្ទាប់ពីការចរចាដោយផ្ទាល់ លើកដំបូងក្នុងរយៈពេលជាង30ឆ្នាំ រវាងអ៊ីស្រាអែលនិងលីបង់ ដែលបានរៀបចំនៅទីក្រុងវ៉ាស៊ីនតោន កាលពីថ្ងៃអង្គារ។
សារព័ត៌មានRoya news នៅថ្ងៃទី១៥.០៤.២០២៦។
សេចក្តីថ្លែងការណ៍រួម បាននិយាយថា “អ្នកចូលរួមបានធ្វើការពិភាក្សាប្រកបដោយផលិតភាព លើជំហានចាំបាច់ ដើម្បីចាប់ផ្តើមការចរចាដោយផ្ទាល់រវាងប្រទេសទាំងពីរ”។
ផ្នែកមួយនៃសេចក្តីថ្លែងការណ៍បាននិយាយថា ទីក្រុងវ៉ាស៊ីនតោន បានបញ្ជាក់ជាថ្មីនូវការគាំទ្ររបស់ខ្លួន ចំពោះសិទ្ធិការពារខ្លួន របស់អ៊ីស្រាអែលប្រឆាំងនឹងការវាយប្រហារដែលកំពុងបន្តពីក្រុមហេសបូឡា ។
ដោយសង្កត់ធ្ងន់ថា កិច្ចព្រមព្រៀងឈប់បាញ់ណាមួយ ត្រូវតែសម្រេចបានរវាងរដ្ឋាភិបាលទាំងពីរ ក្រោមការឧបត្ថម្ភរបស់សហរដ្ឋអាមេរិក មិនមែនតាមរយៈផ្លូវដាច់ដោយឡែកណាមួយឡើយ”។
“ភាគីទាំងអស់ បានយល់ព្រមចាប់ផ្តើមការចរចាដោយផ្ទាល់ នៅពេលវេលា និងទីកន្លែងដែលបានព្រមព្រៀងគ្នា”។
កិច្ចប្រជុំត្រីភាគីរួមមានការចូលរួមពីរដ្ឋមន្ត្រីការបរទេស Marco Rubio ទីប្រឹក្សា Michael Needham ឯកអគ្គរដ្ឋទូតសហរដ្ឋអាមេរិកប្រចាំប្រទេសលីបង់ Issa ឯកអគ្គរដ្ឋទូតអ៊ីស្រាអែលប្រចាំសហរដ្ឋអាមេរិក Yechiel Leiter ឯកអគ្គរដ្ឋទូតលីបង់ប្រចាំសហរដ្ឋអាមេរិក Nada Hamadeh Moawad។
នេះគឺជាការចូលរួមកម្រិតខ្ពស់ដ៏សំខាន់លើកដំបូង រវាងរដ្ឋាភិបាលអ៊ីស្រាអែល និងលីបង់ចាប់តាំងពីឆ្នាំ១៩៩៣៕