នៅថ្ងៃសុក្រ ទី១៧ ខែមេសា ឆ្នាំ២០២៦ អាជ្ញាធរនៅក្នុងប្រទេសឥណ្ឌូណេស៊ី បានឱ្យដឹងនៅថាមនុស្ស៨នាក់បានស្លាប់ដោយសារគ្រោះថ្នាក់ធ្លាក់ឧទ្ធម្ភាគចក្រមួយគ្រឿងនៅក្នុងខេត្តWest Kalimantan ខណៈក្រុមអ្នកជួយសង្រ្គោះកំពុងព្យាយាមប្រមូលសាកសព និងបំណែកឧទ្ធម្ភាគចក្រ។
ប្រភពពីសារព័ត៌មានReuters។
ឧទ្ធម្ភាគចក្រនេះបានបាត់ការទាក់ទងកាលពីព្រឹកថ្ងៃព្រហស្បតិ៍ម្សិលមិញ បន្ទាប់ពីហោះឡើងពីតំបន់ក្នុងទីក្រុង Melawi។ លោក Mohammad Syafii ជាប្រធាន ទីភ្នាក់ងារជួយសង្រ្គោះរបស់ឥណ្ឌូណេស៊ី បាននិយាយថាទីតាំងធ្លាក់ និងដាច់ការទាក់ទងគឺស្ថិតនៅពីលើតំបន់ព្រៃភ្នំ។ លោកបន្ថែមថាក្រុមអ្នកជួយសង្រ្គោះបានរកឃើញ បំណែកដែលសង្ស័យថាជាផ្នែកកន្ទុយរបស់ឧទ្ធម្ភាគចក្រ។
ភ្លាមៗមិនទាន់មានការបញ្ជាក់ឱ្យច្បាស់ពីមូលហេតុបណ្ដាលឱ្យឧទ្ធម្ភាគចក្រខាងលើធ្លាក់នៅឡើយទេ៕