អ៊ីរ៉ង់ នឹងអនុវត្តផ្ទុយទិសដៅ នៃការបើកច្រកសមុទ្រហ័រមូសឡើងវិញ ដោយដាក់ចេញនូវការរឹតបន្តឹង លើផ្លូវទឹកដ៏សំខាន់មួយនេះ បន្ទាប់ពីសហរដ្ឋអាមេរិក បាននិយាយថា ខ្លួនមិនបើកច្រកសមុទ្រមួយនេះទេលុះត្រាតែ មានកិច្ចព្រមព្រៀងពេញលេញ។
សារព័ត៌មានAP នៅថ្ងៃទី១៨.០៤.២០២៦។
បញ្ជាការយោធារួមរបស់អ៊ីរ៉ង់.បាននិយាយថា“ការគ្រប់គ្រងច្រកសមុទ្រហ័រមូស បានវិលត្រឡប់ទៅសភាពដើមវិញ ក្រោមការគ្រប់គ្រងយ៉ាងតឹងរ៉ឹងរបស់កងកម្លាំងប្រដាប់អាវុធ”។
អ៊ីរ៉ង់ បានព្រមានថា ខ្លួននឹងបន្តបិទផ្លូវឆ្លងកាត់ច្រកសមុទ្រនេះ ដរាបណាការអាមេរិកនៅតែបន្តបិទផ្លូវកំពង់ផែអ៊ីរ៉ង់។
ការប្រកាសនេះ បានកើតឡើងនៅព្រឹកបន្ទាប់ពីប្រធានាធិបតីអាមេរិក ដូណាល់ ត្រាំ បាននិយាយថា ការបិទផ្លូវរបស់សហរដ្ឋអាមេរិក “នឹងនៅតែមានសុពលភាពពេញលេញ”រហូតដល់ទីក្រុងតេអេរ៉ង់ ឈានដល់កិច្ចព្រមព្រៀងជាមួយសហរដ្ឋអាមេរិក រួមទាំងលើកម្មវិធីនុយក្លេអ៊ែររបស់ខ្លួនផងដែរ៕