នៅថ្ងៃទី៥១នៃសង្គ្រាមអ៊ីរ៉ង់ ស្ថានការណ៍នៅមជ្ឈិមបូព៌ាកាន់តែតានតឹងឡើងវិញ បន្ទាប់ពីអ៊ីរ៉ង់សម្រេចបិទច្រកសមុទ្រHormuz ម្តងទៀត កាលពីថ្ងៃទី ១៨ ខែមេសា។
ប្រភពពីសារព័ត៌មានRoyal news English នៅថ្ងៃទី១៩ខែមេសា។
សង្គ្រាមនេះបានចាប់ផ្តើមពីថ្ងៃទី ២៨ ខែកុម្ភៈ ឆ្នាំ ២០២៦ បន្ទាប់ពីការវាយប្រហារដ៏ធំមួយដោយ United States និង Israel លើអ៊ីរ៉ង់ ដែលមានគោលដៅលើបណ្តាញយោធា និងកម្មវិធីនុយក្លេអ៊ែរ។ អ៊ីរ៉ង់បានឆ្លើយតបភ្លាមៗដោយបាញ់មីស៊ីល និងដ្រូនទៅលើគោលដៅនានា ក្នុងតំបន់។
ទោះបីជាមានបទឈប់បាញ់បណ្ដោះអាសន្នរយៈពេលពីរសប្តាហ៍ ដែលបានសម្របសម្រួលដោយ Pakistan ក៏ដោយ ការប៉ះទង្គិចនៅតែបន្ត។ ការចរចាសន្តិភាពកំពុងជាប់គាំង ពិសេសលើសំណើអ៊ីរ៉ង់ឲ្យប្រគល់អ៊ុយរ៉ាញ៉ូមចម្រាញ់ជាថ្នូរនឹងការដោះលែងទុន ២០ ពាន់លានដុល្លារ ដែលភាគីទាំងពីរនៅមិនទាន់ឈានដល់កិច្ចព្រមព្រៀង៕