ក្រុមត្រួតពិនិត្យអ៊ីនធឺណិត NetBlocks បានរាយការណ៍ថា ការបិទអ៊ីនធឺណិតនៅក្នុងប្រទេសអ៊ីរ៉ង់ បានឈានដល់ជាង ១,២០០ម៉ោងឬប្រហែល៥១ថ្ងៃ ដែលត្រូវបានចាត់ទុកថាជាការកាត់ផ្តាច់ការតភ្ជាប់ដ៏វែងបំផុតមិនធ្លាប់មានសម្រាប់ប្រទេសដែលមានការតភ្ជាប់អន្តរជាតិ។
ប្រភពពីសារព័ត៌មាន Iran International នៅថ្ងៃទី១៩ខែមេសា។
យោងតាម NetBlocks ការចូលប្រើអ៊ីនធឺណិតសកលនៅតែត្រូវបានរឹតត្បិតយ៉ាងខ្លាំង ដោយប្រជាជនភាគច្រើនអាចប្រើបានតែបណ្តាញក្នុងស្រុកប៉ុណ្ណោះ។ ការកាត់ផ្តាច់នេះកំពុងបង្កឱ្យមានការលំបាកក្នុងជីវិតប្រចាំថ្ងៃ និងការទំនាក់ទំនងជាមួយពិភពក្រៅ៕