ប្រធានាធិបតីអាមេរិក លោក Donald Trump បាននិយាយកាលពីថ្ងៃអាទិត្យទី១៩.០៤.២០២៦ថា តំណាងអាមេរិក នឹងទៅដល់ទីក្រុងអ៊ីស្លាម៉ាបាដនៅល្ងាចថ្ងៃស្អែក ដើម្បីចរចាជាមួយអ៊ីរ៉ង់។
សារព័ត៌មានAnadolu។
លោក Trump បានសរសេរនៅលើគណនី Truth Social របស់លោកថា “តំណាងរបស់ខ្ញុំ នឹងទៅទីក្រុងអ៊ីស្លាម៉ាបាដ ប្រទេសប៉ាគីស្ថាន ពួកគេនឹងនៅទីនោះនៅល្ងាចថ្ងៃស្អែក សម្រាប់ការចរចា”។
លោកសរសេរថា “អ៊ីរ៉ង់បានសម្រេចចិត្តបាញ់គ្រាប់កាំភ្លើង កាលពីម្សិលមិញនៅក្នុងច្រកសមុទ្រHormuz ជាការរំលោភទាំងស្រុងលើកិច្ចព្រមព្រៀងឈប់បាញ់របស់យើង។
ដោយចោទប្រកាន់ថា កងកម្លាំងអ៊ីរ៉ង់បានកំណត់គោលដៅនាវា នៅក្នុងផ្លូវទឹកយុទ្ធសាស្ត្រ រួមទាំងនាវាបារាំង និងនាវាដឹកទំនិញ ដែលមានទង់ជាតិអង់គ្លេស។
លោក Trump ក៏បាននិយាយផងដែរថា អ៊ីរ៉ង់បានគំរាមបិទផ្លូវទឹកយុទ្ធសាស្ត្រ ដោយអះអាងថា ចលនាបែបនេះនឹងបង្កគ្រោះថ្នាក់ដល់ខ្លួនឯង។
ដោយបញ្ជាក់ថា “ពួកគេកំពុងជួយយើងដោយមិនដឹងខ្លួន ហើយពួកគេជាអ្នកដែលខាតបង់ជាមួយ នឹងការបិទផ្លូវ ៥០០លានដុល្លារក្នុងមួយថ្ងៃ”។
លោក Trump បាននិយាយថា ផ្លូវដឹកជញ្ជូនសកលកំពុងបន្តផ្គត់ផ្គង់ដោយសហរដ្ឋអាមេរិក នាវាដែលធ្វើដំណើរទៅកាន់អាមេរិក កំពុងធ្វើដំណើរទៅកាន់កំពង់ផែនៅរដ្ឋតិចសាស់ រដ្ឋ Louisiana និងរដ្ឋអាឡាស្កា។
លោកត្រាំ យើងកំពុងផ្តល់ជូនកិច្ចព្រមព្រៀងដ៏យុត្តិធម៌ និងសមហេតុផលមួយ ហើយខ្ញុំសង្ឃឹមថា ពួកគេទទួលយកវា ពីព្រោះប្រសិនបើពួកគេមិនធ្វើទេ សហរដ្ឋអាមេរិកនឹងបំផ្លាញរោងចក្រថាមពលទាំងអស់ និងស្ពានទាំងអស់នៅក្នុងប្រទេសអ៊ីរ៉ង់ គ្មានលោកបុរសល្អទៀតទេ លោកបានសរសេរបន្ថែម។
លោកបានបន្ថែមថា រដ្ឋបាលមុនៗបានបរាជ័យក្នុងការដោះស្រាយជាមួយអ៊ីរ៉ង់អស់រយៈពេលជាច្រើនទសវត្សរ៍មកហើយ ។
ហើយបានបញ្ជាក់ជាថ្មីនូវជំហរដ៏ម៉ឺងម៉ាត់ ដោយនិយាយថា លោកសង្ឃឹមថាទីក្រុងតេអេរ៉ង់ នឹងទទួលយកសំណើនេះដើម្បីជៀសវាងការកើនឡើងបន្ថែមទៀត។
លោកបានសរសេរបន្ថែមថា «ដល់ពេលហើយសម្រាប់ម៉ាស៊ីនសម្លាប់អ៊ីរ៉ង់ ដែលត្រូវបញ្ចប់៕