នាយករដ្ឋមន្ត្រីប៉ាគីស្ថាន លោក Shehbaz Sharif កំពុងធ្វើការពិគ្រោះយោបល់ជាមួយគណៈរដ្ឋមន្ត្រីរបស់លោកលើវិធីបញ្ចុះបញ្ចូលអ៊ីរ៉ង់ ឱ្យវិលត្រឡប់មកចរចា ជាមួយអាមេរិកវិញ។
សារព័ត៌មានRoya news នៅថ្ងៃទី២២.០៤.២០២៦។
ប្រភពព័ត៌មាន បាននិយាយថា លោក Sharif កំពុងពិភាក្សាអំពីជម្រើសការទូតជាមួយរដ្ឋមន្ត្រី របស់លោកដែលមានគោលបំណង បើកបណ្តាញសន្ទនាឡើងវិញជាមួយទីក្រុងតេអេរ៉ង់ ចំពេលមានភាពតានតឹង ក្នុងតំបន់កើនឡើង។
លោក ត្រូវបានគេរំពឹងថានឹងជួបជាមួយរដ្ឋមន្ត្រីការបរទេស និងក្រសួងមហាផ្ទៃនៅទីក្រុងអ៊ីស្លាម៉ាបាដ នៅថ្ងៃពុធ ដើម្បីពិនិត្យឡើងវិញនូវជំហានដែលអាចធ្វើទៅបាន ដើម្បីសម្រួលដល់ការវិលត្រឡប់របស់គណៈប្រតិភូអ៊ីរ៉ង់មកកាន់តុចរចាវិញ៕