នាយករដ្ឋមន្ត្រីលីបង់ លោកNawaf Salam បានចោទប្រកាន់អ៊ីស្រាអែលថាប្រព្រឹត្តឧក្រិដ្ឋកម្មសង្គ្រាមបន្ទាប់ពីការវាយប្រហារតាមអាកាសនៅភាគខាងត្បូងប្រទេសលីបង់ បានសម្លាប់អ្នកកាសែតម្នាក់ និងបង្កឱ្យម្នាក់ទៀតរងរបួសកាលពីថ្ងៃពុធ។
ប្រភពពីសារព័ត៌មានBBC នៅថ្ងៃទី២៣ខែមេសា។
ជនរងគ្រោះដែលបានស្លាប់គឺលិកAmal Khalil អាយុ ៤៣ ឆ្នាំ ជាអ្នកកាសែតសារព័ត៌មាន Al-Akhbar ខណៈដែលអ្នកថតរូបឯករាជ្យ Zeinab Faraj បានរងរបួស។
មន្ត្រីលីបង់អះអាងថា អ្នកសារព័ត៌មានត្រូវបាន “កំណត់គោលដៅដោយចេតនាខណៈពេលកំពុងបំពេញភារកិច្ច ហើយកងកម្លាំងអ៊ីស្រាអែលក៏បានវាយប្រហារលើរថយន្តសង្គ្រោះបន្ទាន់ ដែលមានសញ្ញាសម្គាល់ ខណៈពេលព្យាយាមជួយសង្គ្រោះនៅភូមិ Tayri។
សូមបញ្ជាក់ថា៖ ប៉ុន្តែកងកម្លាំងការពារអ៊ីស្រាអែល Israel Defense Forces បានបដិសេធការចោទប្រកាន់ទាំងនេះ ដោយអះអាងថា មិនបានរារាំងក្រុមជួយសង្គ្រោះ និងមិនបានបាញ់គោលដៅលើអ្នកសារព័ត៌មានឡើយ៕