កងទ័ពអ៊ីស្រាអែល ត្រូវបានប្រព័ន្ធផ្សព្វផ្សាយលីបង់ចោទថា បានដុតបំផ្លាញផ្ទះជាច្រើននៅភាគខាងត្បូងប្រទេសលីបង់ ទោះបីជាមានបទឈប់បាញ់បណ្តោះអាសន្នក៏ដោយ។
ប្រភពពីសារព័ត៌មានAnadolu Agency នៅថ្ងៃទី២៣ខែមេសា។
យោងតាមទីភ្នាក់ងារសារព័ត៌មានជាតិលីបង់ ការដុតបំផ្លាញបានកើតឡើងនៅសង្កាត់ Mufaylaha ក្នុងទីក្រុង Mays al-Jabal ខណៈដែលហេតុការណ៍ដាច់ដោយឡែកមួយទៀត កងទ័ពអ៊ីស្រាអែលបានធ្វើការទម្លាក់គ្រាប់បែកនៅទីក្រុង Khiam ដែលនៅក្បែរនោះ។
ការវាយប្រហារនេះកើតឡើងនៅពេលដែលកិច្ចចរចារវាងលីបង់ និងអ៊ីស្រាអែល គ្រោងធ្វើឡើងវិញនៅទីក្រុង Washington, D.C. ដោយមានគោលបំណងស្វែងរកដំណោះស្រាយបញ្ចប់ជម្លោះ។ មន្ត្រីលីបង់ម្នាក់បានឲ្យដឹងថា ភាគីលីបង់នឹងស្នើសុំបន្តបទឈប់បាញ់ និងបញ្ឈប់ការបំផ្លាញផ្ទះនៅតំបន់ដែលកាន់កាប់៕