បទឈប់បាញ់នៅភាគខាងត្បូងប្រទេសលីបង់ត្រូវបានបន្ថែមរយៈពេល3សប្តាហ៍ទៀត ខណៈភាពតានតឹងក្នុងតំបន់មជ្ឈិមបូព៌ានៅតែបន្តខ្លាំង។ ប្រធានាធិបតីសហរដ្ឋអាមេរិក Donald Trump បានបញ្ជាក់ថា លោកសង្ឃឹមនឹងរៀបចំជំនួបរវាងមេដឹកនាំអ៊ីស្រាអែល និងលីបង់ក្នុងពេលឆាប់ៗនេះ ដើម្បីជំរុញដំណោះស្រាយសន្តិភាព។
ប្រភពពីសារព័ត៌មានAl Jazeera នៅថ្ងៃទី24 ខែមេសា។
នៅពេលដូចគ្នាលោកTrump បានបញ្ជាក់ថា សហរដ្ឋអាមេរិកមិនស្ថិតក្រោមសម្ពាធក្នុងការបញ្ចប់សង្គ្រាមជាមួយអ៊ីរ៉ង់ទេ ហើយបានព្រមានថាពេលវេលាមិននៅខាងទីក្រុងតេអេរ៉ង់ឡើយ។
បន្ថែមពីនេះ លោក Trump បានចេញបញ្ជាឱ្យកងទ័ពអាមេរិក “បាញ់បំផ្លាញ” ទូកណាមួយរបស់អ៊ីរ៉ង់ដែលត្រូវសង្ស័យថាកំពុងដាក់មីនសមុទ្រនៅ Strait of Hormuz ដែលជាច្រកសំខាន់សម្រាប់ដឹកជញ្ជូនប្រេងពិភពលោក។
ភាគីអ៊ីរ៉ង់បានបញ្ជាក់ថា ពួកគេនឹងមិនបន្តចរចាសន្តិភាពឡើយ ប្រសិនបើការឡោមព័ទ្ធសមុទ្រដោយអាមេរិកមិនត្រូវបានលើកចេញ៕