អាជ្ញាធរប្រឡាយប៉ាណាម៉ា បានប្រកាសថា ថ្លៃដឹកជញ្ជូនតាមប្រឡាយនេះបានកើនឡើងយ៉ាងខ្លាំង បន្ទាប់ពីការផ្ទុះសង្គ្រាមនៅមជ្ឈិមបូព៌ា និងការរាំងស្ទះនៅច្រកសមុទ្រ Hormuz។
ប្រភពពីសារព័ត៌មានAnadolu Agency នៅថ្ងៃទី២៤ខែមេសា។
តាមការបញ្ជាក់ពីមន្ត្រីប្រឡាយ តម្លៃដេញថ្លៃសម្រាប់ការឆ្លងកាត់បានកើនឡើងពីប្រហែល 135,000–140,000 ដុល្លារ មុនសង្គ្រាម ទៅដល់ប្រហែល 385,000 ដុល្លារ ក្នុងខែមីនា និងមេសា ឆ្នាំ 2026 ដែលជាការកើនឡើងទ្វេដង។
សូមបញ្ជាក់ថា៖ ការកើនឡើងនេះកើតឡើងក្រោយពី សហរដ្ឋអាមេរិក និង អ៊ីស្រាអែល ចាប់ផ្តើមសកម្មភាពយោធាប្រឆាំងនឹងអ៊ីរ៉ង់ នៅថ្ងៃទី 28 ខែកុម្ភៈ ដែលបានប៉ះពាល់ដល់ចរាចរណ៍សមុទ្រសកល និងបង្ខំឱ្យកប៉ាល់ជាច្រើនប្តូរផ្លូវមកប្រើប្រឡាយប៉ាណាម៉ាជំនួស៕