របាយការណ៍សកលស្តីពីវិបត្តិស្បៀងអាហារ (GRFC) ឆ្នាំ២០២៦ បានព្រមានថា ហានិភ័យនៃកង្វះអាហារូបត្ថម្ភ និងទុរ្ភិក្សកំពុងកើនឡើងយ៉ាងគួរឱ្យព្រួយបារម្ភ ខណៈជម្លោះ និងអំពើហិង្សាជាមូលហេតុសំខាន់នៃភាពអត់ឃ្លាននេះ។
ប្រភពពីសារព័ត៌មានAl Jazeera នៅថ្ងៃទី២៤ខែមេសា។
របាយការណ៍បានបង្ហាញថា មានប្រជាជនប្រហែល ២៦៦ លាននាក់នៅក្នុងប្រទេស និងដែនដីចំនួន ៤៧ ប្រឈមមុខនឹងអសន្តិសុខស្បៀងអាហារស្រួចស្រាវ ដែលស្មើនឹង ២២.៩% នៃប្រជាជនសរុប។ តួលេខនេះកើនឡើងបន្តិចពីឆ្នាំ២០២៤ ប៉ុន្តែស្ទើរតែទ្វេដងបើប្រៀបធៀបនឹងឆ្នាំ២០១៦។
របាយការណ៍ក៏បានអំពាវនាវឲ្យសហគមន៍អន្តរជាតិបង្កើនសកម្មភាពបន្ទាន់ ដើម្បីទប់ស្កាត់វិបត្តិស្បៀងអាហារដែលអាចកាន់តែធ្ងន់ធ្ងរឡើងក្នុងអនាគត៕