កាលពីថ្ងៃទី២៧ ខែមេសា ឆ្នាំ២០២៦ ស្ថានការណ៍កំពុងតានតឹងនៅព្រំដែនលីបង់–អ៊ីស្រាអែល ខណៈក្រុមហេសបូឡា និងអ៊ីស្រាអែល បន្តគំរាមកំហែងគ្នាទៅវិញទៅមក។
ប្រភពពីសារព័ត៌មានAl Jazeera។
មេដឹកនាំហេសបូឡា លោក Naim Qassem បានថ្លែងថា ក្រុមរបស់លោកនឹងបន្តការតស៊ូ ហើយមិនចូលរួមចរចាសន្តិភាពជាមួយអ៊ីស្រាអែលឡើយ លុះត្រាតែមានលក្ខខណ្ឌមួយចំនួន ដូចជា ការដកទ័ពអ៊ីស្រាអែល និងបញ្ចប់ការវាយប្រហារ។ លោកបានបញ្ជាក់ថា ហេសបូឡានឹងមិនដកថយ និងមិនចាញ់ទោះបីមានសម្ពាធយ៉ាងណាក៏ដោយ។
ខាងអ៊ីស្រាអែលវិញ រដ្ឋមន្ត្រីការពារជាតិ លោក Israel Katz បានឆ្លើយតបយ៉ាងតឹងរ៉ឹង ដោយព្រមានថា ប្រសិនបើក្រុមហេសបូឡាបន្តវាយប្រហារអាចនឹងនាំឲ្យមាន ផលវិបាកធ្ងន់ធ្ងរ ហើយគំរាមថា អាចដុតប្រទេសលីបង់ទាំងមូល៕