នាយករដ្ឋមន្ត្រីលីបង់ លោក Nawaf Salam បានរិះគន់យ៉ាងខ្លាំងទៅលើអ៊ីស្រាអែល ថាបានប្រព្រឹត្តឧក្រិដ្ឋកម្មសង្គ្រាម បន្ទាប់ពីការវាយប្រហារនៅភាគខាងត្បូងប្រទេស បានសម្លាប់កម្មករជួយសង្គ្រោះ3នាក់។
ប្រភពពីសារព័ត៌មានAl Jazeera នៅថ្ងៃទី២៩ខែមេសា។
ការវាយប្រហារនេះកើតឡើងនៅទីក្រុង Majdal Zoun ដោយអ៊ីស្រាអែលវាយប្រហារពីរដងជាប់ៗគ្នា លើទីតាំងដូចគ្នា។ អ្នកជួយសង្គ្រោះត្រូវបានសម្លាប់ ខណៈពេលពួកគេចូលទៅជួយជនរងរបួសពីការវាយប្រហារលើកដំបូង។
លោក Salam បាននិយាយថា ការវាយប្រហារលើក្រុមការពារជនស៊ីវិលបែបនេះ គឺជាការរំលោភធ្ងន់ធ្ងរលើច្បាប់មនុស្សធម៌អន្តរជាតិ ហើយរដ្ឋាភិបាលលីបង់នឹងនាំយកបញ្ហានេះទៅវេទិកាអន្តរជាតិ ដើម្បីទាមទារឲ្យអ៊ីស្រាអែលទទួលខុសត្រូវ៕