ប្រាក់រៀលអ៊ីរ៉ង់ កំពុងធ្លាក់ចុះយ៉ាងគួរឱ្យព្រួយបារម្ភ ខណៈអត្រាប្តូរប្រាក់នៅទីផ្សារបើកចំហបានបង្ហាញថា1ដុល្លារអាមេរិក ឡើងដល់ប្រហែល1.81លានរៀលកើនជិត 8% ក្នុងមួយថ្ងៃ។ ការកើនឡើងនេះបង្ហាញពីភាពអស្ថិរភាពសេដ្ឋកិច្ចកាន់តែធ្ងន់ធ្ងរ នៅក្នុងបរិបទវិបត្តិនយោបាយ និងសម្ពាធអន្តរជាតិ។
ប្រភពពីសារព័ត៌មានIran International នៅថ្ងៃទី២៩ខែមេសា។
មិនត្រឹមតែប្រាក់ដុល្លារប៉ុណ្ណោះទេ ប្រាក់អឺរ៉ូ និងផោនក៏បានកើនឡើងដល់ 2.11 លានរៀល និង 2.44 លានរៀលរៀងៗខ្លួន។ ខណៈតម្លៃមាសក៏កើនឡើងដល់ប្រហែល 2.08 ពាន់លានរៀលក្នុងមួយកាក់ Emami ដែលបង្ហាញថាប្រជាជនកំពុងប្តូរទ្រព្យសម្បត្តិទៅជាមាស ដើម្បីការពារតម្លៃប្រាក់សន្សំរបស់ខ្លួនពីការធ្លាក់ចុះនៃរូបិយប័ណ្ណជាតិ៕