យ៉ាងហោចណាស់ជនជាតិប៉ាឡេស្ទីន7នាក់បានរងរបួស និង6នាក់ផ្សេងទៀតត្រូវបានចាប់ខ្លួន ក្នុងហេតុការណ៍អំពើហិង្សាថ្មីៗនៅតំបន់ West Bank។
ប្រភពពីសារព័ត៌មានAnadolu Agency នៅថ្ងៃទី២ខែមេសា។
តាមប្រភពព័ត៌មានមនុស្ស 3 នាក់រងរបួសនៅភូមិ Jalud ខាងត្បូង Nablus ហើយត្រូវបានបញ្ជូនទៅព្យាបាលនៅមជ្ឈមណ្ឌលវេជ្ជសាស្ត្រ។ នៅតំបន់ជិត Hebron ក៏មានមនុស្ស4នាក់រងរបួស។
នៅតំបន់ Masafer Yatta មានការរាយការណ៍ថា ដើមអូលីវប្រហែល30ដើមត្រូវបានបំផ្លាញ ខណៈការវាយប្រហារនៅភូមិជាច្រើនបន្តកើតមាន។
សូមបញ្ជាក់ថា៖ អំពើហិង្សា និងប្រតិបត្តិការយោធាកំពុងកើនឡើងនៅ West Bank និង East Jerusalem ខណៈប្រជាជនប៉ាឡេស្ទីនប្រឈមមុខនឹងសម្ពាធកាន់តែខ្លាំង។ តួលេខផ្លូវការបង្ហាញថា ចាប់តាំងពីខែតុលា 2023 មានអ្នកស្លាប់ជាង 1,100 នាក់ រងរបួសជាង 11,000 នាក់ និងជាប់ឃុំជិត 22,000 នាក់៕