អ៊ីរ៉ង់បានចេញការឆ្លើយតបលើកដំបូងរបស់ខ្លួន ចំពោះការប្រកាសរបស់ប្រធានាធិបតីអាមេរិកលោក Donald Trump អំពីគំនិតផ្តួចផ្តើម នៃការបើកច្រកសមុទ្រហ័រមូសឡើងវិញ ចាប់ពីថ្ងៃទី០៤.០៥.២០២៦។
ដោយអ៊ីរ៉ង់ព្រមានថា ការអន្តរាគមន៍ណាមួយរបស់អាមេរិក លើច្រកសមុទ្រហ័រមូស គឺជាការរំលោភបទឈប់បាញ់.!។
សារព័ត៌មានRoya news ។
ប្រធានគណៈកម្មាធិការសន្តិសុខជាតិរបស់សភាអ៊ីរ៉ង់ បានព្រមានថា អន្តរាគមន៍ណាមួយរបស់សហរដ្ឋអាមេរិក នៅក្នុងការគ្រប់គ្រង ឬការរៀបចំសន្តិសុខ នៃច្រកសមុទ្រនេះនឹងត្រូវបានចាត់ទុកថា ជាការរំលោភលើក្របខ័ណ្ឌបទឈប់បាញ់។
លោកបន្ថែមថា ច្រកសមុទ្រហ័រមូស និងដែនទឹកឈូងសមុទ្រ”មិនអាចគ្រប់គ្រងដោយការបង្ហោះ ឬសេចក្តីថ្លែងការណ៍ដែលស្រមៃពីប្រធានាធិបតីអាមេរិកបានទេ”ដោយបដិសេធដោយផ្ទាល់នូវសំណើរបស់ទីក្រុងវ៉ាស៊ីនតោន៕