អ៊ីរ៉ង់បានចោទប្រកាន់ សហរដ្ឋអាមេរិកថា បានសម្លាប់ជនស៊ីវិល៥នាក់ នៅក្នុងច្រកសមុទ្រHormuz។
អ៊ីរ៉ង់អះអាងថា កងកម្លាំងអាមេរិក បានវាយប្រហារលើនាវាដឹកអ្នកដំណើរ នៅក្នុងផ្លូវទឹក ពុំមែនជាទូក ដែលជាកម្មសិទ្ធិរបស់កងឆ្មាំបដិវត្តន៍អ៊ីស្លាម(IRGC)ដូចដែលអាមេរិក អះអាងឡើយ។
សារព័ត៌មានAl Jazeera នៅថ្ងៃទី០៥.០៥.២០២៦។
ការអះអាងនៅថ្ងៃអង្គារនេះ ផ្ទុយនឹងសេចក្តីថ្លែងការណ៍របស់ឧត្តមនាវីឯកអាមេរិក Brad Cooper ដែលបាននិយាយថា កងកម្លាំងបញ្ជាការកណ្តាលបានលិចនាវា IRGC ចំនួនប្រាំមួយគ្រឿង។
ដែលបានព្យាយាមជ្រៀតជ្រែក ជាមួយបេសកកម្មរបស់សហរដ្ឋអាមេរិក ក្នុងការអមដំណើរនាវា ដែលជាប់គាំងចេញពីច្រកសមុទ្រ Hormuz។
ប្រធានាធិបតីអាមេរិក Donald Trump ក្រោយមកបានដាក់ចំនួនទូកចំនួនប្រាំពីរគ្រឿង។
ប្រតិបត្តិការរបស់សហរដ្ឋអាមេរិក ដែលមានឈ្មោះថា”Project Freedom”បានធ្វើឱ្យរង្គោះរង្គើបទឈប់បាញ់ដ៏ផុយស្រួយ ដែលបានឈានដល់រវាងអ៊ីរ៉ង់ និងសហរដ្ឋអាមេរិកនៅថ្ងៃទី8 ខែមេសា និងបានធ្វើឱ្យមានការភ័យខ្លាច ឡើងវិញអំពីការវិលត្រឡប់ទៅរកសង្គ្រាមវិញ។
ប្រព័ន្ធផ្សព្វផ្សាយរដ្ឋអ៊ីរ៉ង់IRIB បានដកស្រង់សម្តីមេបញ្ជាការយោធាអ៊ីរ៉ង់ម្នាក់ដែលមិនបញ្ចេញឈ្មោះ ដោយនិយាយថា ទីក្រុងតេអេរ៉ង់ បានចាប់ផ្តើមការស៊ើបអង្កេតមួយ បន្ទាប់ពីការអះអាងរបស់សហរដ្ឋអាមេរិក អំពីការវាយប្រហារលើនាវាIRGC។
ទីក្រុងតេអេរ៉ង់ថា គ្មាននាវា IRGC ណាមួយត្រូវបានវាយប្រហារនោះទេ ការស៊ើបអង្កេតបានរកឃើញថា កងកម្លាំងអាមេរិកបាន«វាយប្រហារទូកតូចៗពីរគ្រឿង ដែលដឹកមនុស្សនៅតាមផ្លូវពី Khasab នៅលើឆ្នេរសមុទ្រអូម៉ង់ទៅកាន់ឆ្នេរសមុទ្រអ៊ីរ៉ង់ នៅថ្ងៃចន្ទ»។
មេបញ្ជាការរូបនេះ បាននិយាយថា ការវាយប្រហារនេះបានបំផ្លាញទូក និងសម្លាប់អ្នកដំណើរស៊ីវិលចំនួនប្រាំនាក់។
មេបញ្ជាការបន្ថែមថា សហរដ្ឋអាមេរិក«ត្រូវតែទទួលខុសត្រូវចំពោះឧក្រិដ្ឋកម្មរបស់ពួកគេ»៕